21 Dikäber Aqmäçettä Nurik Şirinnıñ (çın iseme Nuri Osmanov) cenazası ütte. Anda küp keşe kilde: qırımtatar cämäğätçelege, yäşlär, ğadi keşelär. Nurik Şirinnıñ üterelüe belän bäyle qayber mäğlümätlär dä päyda bula başladı.
Nurik Şirin Aqmäçet dip atalğan qırımtatar qasabasında urnaşqan yortta yäşägän. Anıñ mäyeten äyeneñ garajında enese 20 Dikäber 14.00 säğättä tapqan. Yäş yeget muyınnan sıylğan, tänendä pıçaq yaraları tabılğan. 19 Dikäberdä Nurik Şirin eşennän öyenä qaytqan, anı garaj töbendä ber, yä berniçä keşe kötep torğan, dip faraz itelä. Garaj diwarında köräş ezläre bulu açıqlanğan. Prokuratura, militsiä tikşerü eşe başlağan.
22 yäşlek Nurik Şirin Qırımdağı Tavria milli universitetınıñ iqtisad bülegendä 2 kurs studentı bulğan, qırımtatar yäşläreneñ "Berlek" isemle ictimaği oyımasın citklägän. Bu yılnıñ awgustında "Yäşlär awazı" isemle gäzit çığara başlağan. Yäşlär öçen küp törle mädäni çaralar, diskätüklär oyıştırğan, qırımtatar yäşläre arasında yaxşı tanılğan yeget bulğan. Ber atna elek ul Kievtan qaytqan, Qırımda FM radio oyıştıru öçen dokumentlar alıp qaytqan, digän xäbärlär bar.
Bıyıl Ukrainada ütkän saylawlarda Nurik Şirin Aqmaçet rayon şurasına ber Ukrain firqäsennn namzät bularaq qatnaşqan, läkin deputat bulıp saylan almağan.
Anıñ ätise eşquar Rişat Osmanov Aqmäçettä çäçäk kibetläre tota, uzğan çaqırılışta Aqmäçetneñ şähär şurası deputatı ide.
Nurik Şirinnıñ çın iseme Nuri Osmanov ikäne mäğlüm, ämmä ni öçen başqa isem alğanı bilgesez. Şunı farazlap bula: Qırım tatarlaırnda Şirinskilar atlı morzalar bulğan.
Mäcles räise Mostafa Cämil oğlı Azatlıq radiosına, bu üterüneñ säbäpläre törle bula ala, läkin bu säyäsi üterü tügel, dip belderde.
Tikşerü barışı turında äle ber nindi dä mäğlümat yuq, barı tik Qırım milisiäse wäkile Oleksander Dombrovsky Norik Şirinnı çit keşelär üterä aluına şik belderde. "Ul qırımtatarları küpläp yäşägän qasabada torğan, anda çit maşina yäki çit keşelärneñ päydä buluı iğtibarsız qalmas ide" dide ul Azatlıq radiosına.
Diläwär Osman
Nurik Şirin Aqmäçet dip atalğan qırımtatar qasabasında urnaşqan yortta yäşägän. Anıñ mäyeten äyeneñ garajında enese 20 Dikäber 14.00 säğättä tapqan. Yäş yeget muyınnan sıylğan, tänendä pıçaq yaraları tabılğan. 19 Dikäberdä Nurik Şirin eşennän öyenä qaytqan, anı garaj töbendä ber, yä berniçä keşe kötep torğan, dip faraz itelä. Garaj diwarında köräş ezläre bulu açıqlanğan. Prokuratura, militsiä tikşerü eşe başlağan.
22 yäşlek Nurik Şirin Qırımdağı Tavria milli universitetınıñ iqtisad bülegendä 2 kurs studentı bulğan, qırımtatar yäşläreneñ "Berlek" isemle ictimaği oyımasın citklägän. Bu yılnıñ awgustında "Yäşlär awazı" isemle gäzit çığara başlağan. Yäşlär öçen küp törle mädäni çaralar, diskätüklär oyıştırğan, qırımtatar yäşläre arasında yaxşı tanılğan yeget bulğan. Ber atna elek ul Kievtan qaytqan, Qırımda FM radio oyıştıru öçen dokumentlar alıp qaytqan, digän xäbärlär bar.
Bıyıl Ukrainada ütkän saylawlarda Nurik Şirin Aqmaçet rayon şurasına ber Ukrain firqäsennn namzät bularaq qatnaşqan, läkin deputat bulıp saylan almağan.
Anıñ ätise eşquar Rişat Osmanov Aqmäçettä çäçäk kibetläre tota, uzğan çaqırılışta Aqmäçetneñ şähär şurası deputatı ide.
Nurik Şirinnıñ çın iseme Nuri Osmanov ikäne mäğlüm, ämmä ni öçen başqa isem alğanı bilgesez. Şunı farazlap bula: Qırım tatarlaırnda Şirinskilar atlı morzalar bulğan.
Mäcles räise Mostafa Cämil oğlı Azatlıq radiosına, bu üterüneñ säbäpläre törle bula ala, läkin bu säyäsi üterü tügel, dip belderde.
Tikşerü barışı turında äle ber nindi dä mäğlümat yuq, barı tik Qırım milisiäse wäkile Oleksander Dombrovsky Norik Şirinnı çit keşelär üterä aluına şik belderde. "Ul qırımtatarları küpläp yäşägän qasabada torğan, anda çit maşina yäki çit keşelärneñ päydä buluı iğtibarsız qalmas ide" dide ul Azatlıq radiosına.
Diläwär Osman
