- Uramnan aldılar, uramğa çığarıp attılar da….
Studentlarnıñ bügenge xaläte xaqında Marat Äxmätov üzeneñ çığışında yış qabatladı. Küp yaqlı kileşüne ul “bomba”- dip atadı:
- Bezgä bu bombanı küptän şartlatırğa waqıt ide inde!
Xökümät başlığı Röstäm Miñnexanov raslağan bu kileşü agrosänägat, yäğni awıl xucalığı ölkäsenä ömetle belgeçlär alıp kilergä tieş. Moñarçı rayon üzäklärendä, respublika şähärlärendä hönäri uqu yortları, elekkeçä itep äytsäk “sptular” , eşläp kilde. Alar xäzer dä bar. Däwlät aqça birep uqıtsa da, kübese üz belgeçlekläre belän eşlämi. Alğa kitkän yäki yaxşı ğına eşläp kilgän kümäk, fermer xucalıqlarına täcribäle eşçelär kiräk, qarañğı awılda uqımıyça mal qarap yatqannarnı eşkä alasıları kilmi. Şularnı istä totıp däwlät citäkçeläre avtonom belem birü oyışmaları barlıqqa kiterergä, klasterlı belem birüne ürnäk itep alırğa buldılar.
Cäwdät Fäyzraxmanov rektor bulğan Qazan däwlät agrar universitetı, bu küp yaqlı kileşü kileşü nigezendä “Töp yuğarı uqu yortı” itep bilgelände. Respublika külämendä awıl xucalığına yaxşı belgeçlärne yañaça äzerläw tormışqa aşsın öçen küp yaqlı kileşügä 13 rayon başlığınıñ imzası da quyıldı. Anıñ nigezendä, uqunıñ berençe könennän ük betergäç qayda eşlise bilgele bula. Tatarstannıñ barlıq rayonnarında diärlek Qazandağı “Töp yuğarı uqu yortı”nıñ bülekçäläre açılır dip kötelä. Mondıy ısul belän belgeçlär äzerläwgä awıl xucalığı ministrı Marat Äxmätov zur ömetlär bağlıy
Tatarstannıñ xökümät başlığınıñ berençe urınbasarı Rawil Moratov bu proyektnıñ aqçalata bäyäsen çutladıq, älegä bezdä andıy aqçalar yuq di.
Citäkçelärneñ yalqınlı çığışların tıñlağaç, tumağan taynıñ bilen sındıru bulmıymı ikän?. Çönki xäzer bit yäşlär qaya uqırğa kerergä telilär şunda kerälär. Awılğa berseneñ dä qaytası kilmi, belgeçlärne yaña ısul belän äzerläw tuğan cirgä mäxäbbät uyata alır mikän. Alay disäk bu klasterlı, yañaça belem birü awıl xucalığı belän ğına çiklänep qalmıy. “Ozaqlamıy ul transport, iqtisat kebek başqa tarmaqlarğa da taralır! – di, Tatarstannıñ xökümät başlığınıñ berençe urınbasarı Rawil Moratov.
Röstäm İsxaqi
