13 iyündä Tatarstan prokuraturası Qazan tikşerü izolyatorı xezmätkäre serjant İğor Kuçerovnı cinayät qıluda ğaepläp çıqtı.
Çitlek artında utıruçı “29nçı kompleks” banditları belän xezmättäşlek itkän serjant Kuçerovnıñ ğayıbe tanılsa anı 20 yılğa timer räşätkälär eçenä yabırğa mömkinnär. Tatarstan prokuraturası beldergänçä, “Veçernyaya Qazan”, “Kommersant” gazetaları yazğança Qazan tikşerü izolyatorı xezmätkäre üz ğaeben tanığan. Serjantnıñ tozaqqa elägüe may axırlarında bula. Kuçerov çirattağı tönge dejurlıq waqıtında çitlektä utıruçı banditlardan, irektäge fälän belän elemtägä kerep annan kiräkle äyberne alıp çitlektä utıruçılarğa tapşırırğa kiräk digän yazu ala. Bu xezmäte öçen şpanalar izolyator saqçısına 3 meñ sum aqça wäğdä itälär. Xäyerçegä cil qarşı digändäy, 3 meñ sum serjantqa eläkmi qala, anı böten baylıqları belän izolyatorğa kerü yulında üze kebek ük pogonlıylar eläkterä. Banditlarğa keräse äyberlärlär yaxşı eşerelä, söt sawıtı eçendä çista spirt, qara boday botqasına kümelgän käräzle telefon, sim-qarta, telefonğa toq cıydıru caylanması, ipigä geroin belän marixuana tığılğan bula.
- Soñğı arada mondıy xälneñ bulğanı yuq ide – di Tatarstan prokuraturasınıñ massaküläm mäğlümat çaraları belän eşläw bülege citäkçese Rawil Vaxitov.
- Bügen kitmäsä, irtägä cinayät eşe Waxitov rayonı mäxkämäsenä kitäçäk!
Çallınıñ “29 kompleks” banditların, üterü, urlaw tağın başqa cinayätläre öçen xökem itälär. Şularnıñ äydämannarınıñ berse Xäsyanov belän tanışa da inde izolyator saqçısı häm cinayätçelärgä xezmät kürsätep üze dä tozaqqa elägä. Tik menä ber añlaşılmawçanlıq bar, “Kommersant” gazetası banditlarğa äyber taşığan izolyator saqçısınıñ iseme İğor Kuçerov di, ä prokuratura xezmätkärläre ğayıple keşeneñ isemen äytmilär.
Mäxkämä Qazan tikşerü izolyatorı saqçısına, serjantqa cinayät kodeksınıñ 285nçe matdäse buyınça, eş urınınnan qanun qullanunı küzdä tota häm
- 228nçe narkotiklar yörtü…
- buyınça cinayät eşe quzğatıldı di Tatarstan prokuratura xezmätkäre Rawil Waxitov. Mäxkämäneñ näticäse ber ay eçendä bilgele bulaçaq dilär xoquq sağında toruçılar. Qıñğır eş qırıq yıldan soñ da belä di bit xalıq, banditlar belän eş itkän serjantqa 40 yıl uq birmäsälär dä, narkotiklar yörtkän öçen 20 yılğa çitlek eçenä yabuları mömkin ikän. Xoquq saqçılarınıñ bu ber ğaebe bulsa, ikençe ber militsioner Alekseevsk rayonında yäşäwçe xatınğa irennän qotılırğa yärdäm itkän. Axır çiktä xatın irennän tügel ä iregennän qorı qalmağayı. Monsı şulay uq yazın bulğan xäl, Alekseevskidan Tatyana Kladova killer yallap iren ütertmäkçe bula. Üterüçe ezlägändä xanımğa militsioner turı kilä, läkin xatın üterüçe bulırğa rizalaşqan keşene militsioner ikänen belmi. Kladova ireneñ böten çığu kerü yulların, foto-telefonnarın anı üterergä tieşle keşegä birä. Ul keşe xoquq saqçısı bularaq bu eşne başqa militsionerlarğa citkerä, tege xatınnıñ irenä dä äytälär. İr bu xälgä ışanmağaç, Kladova ışanırlıq itep irennän ülgän keşe qıäfäte äwäläp, östenä pomidor eretmäse sibep fotoğa töşerälär häm xatınğa kürsätälär. Xatın üterüçegä 100 meñ sum aqça wäğdä itkän bula. İreneñ ülgän kebek töşerelgän fotosın kürgäç Kladova aqça çığara başlıy, şul waqıtta iren üterergä telägän xatınnıñ qulına boğaw salalar da inde. Tatyana xanım üz ğaeben tanığan di.
Röstäm İsxaqi
