Rusiäneñ ğädättäntış xällär ministrlığı, Novosibirski ölkäseneñ Qazaxstan belän çiktäş kimendä 4 rayonında qoş gribı tabılğan, dip xäbär itte. Cirle sälämätlek saqlaw räsmie Valery Mixeyev süzlärenä qaranda, keşelärgä ziyan kilmägän. Qazaxstanğa da wazğiät turında xäbär itelgän. Qoş gribı kübräk yort haywannarı arasında tarala, ämma 2003nçe yıldan birle Könyaqkönçığış Aziä häm Qıtayda bu çirdän kimendä 58 keşe ülde. Ğalimnär, bu awıru – keşedän keşegä küçä torğan bulıp üzgärä ala, digän borçulı farazların belderä.
