90 yıllar başında Urta Aziäneñ qaynar noqtalarında millät ara nizağlar, keşelärneñ ilne mäcbüri räweştä taşlap qaçu protsessı bardı. Bu keşelärneñ kübese Sovetlar Soyuzı grajdannarı ide. Ämma Sovetlar Soyuzı taralğaç, alar ike yaq arasında torıp qalıp, yätimnär yazmışına duçar buldı. Bügen isä Rusiädä älege keşelärneñ yazmışı belän pasport-viza xezmätläre, militsiä şaqtıy zur qızıqsınu kürsätä.
Şuşı könnärdä Qazannıñ Duslıq yortında İdel buyı federal' okrugınıñ strategiä tikşerü üzäge ekspertı Ol'ğa Vıxovanes Tatarstandağı migrantlar belän oçraştı. Mäskäw ekspertı mäcbüri räweştä küçep kilgän migrantlarnıñ 15 yıl eçendä Tatarstanda niçek urnaşıp qaluın, yort, eş urınınıñ barlığı belän qızıqsındı. Berençe tikşerülär kürsätkänçä, migrantlarnıñ kübese inde urnaşqan. Kemnärder mäcbüri küçüçelär räweşendä yort, eş belän tä'min itelgän, beräwlär yortlarnı satıp alğan. Häm alar Rusiäneñ tulı xoquqlı grajdannarı sanala. Ol'ğa Vıxovanes äytüençä, Tatarstanda bügenge köngä qädär watandaşlıq almawçı mäcbüri migrantlar sanı meñnärçä häm yözlärçä tügel, ä alar distälägän genä qalğan.
Bilgele bulğança, Rusiädä 2002 yıldan soñ watandaşlıq alu qanunına küçep kilüçelär öçen qatıraq şartlar kertelde. Mäskäw ekspertı belän bulıp uzğan oçraşuda 2002 yıldan soñ watandaşlıq alu buyınça möräcäğät itüçelärneñ ğailälär quşıluı, balalar statusı kebek mäsäläläre dä qaraldı.
Tatarstandağı migrant xezmäte wäkile äytüençä, respublikada mäcbüri migrantlar statusın birü öç yıl elek tuqtatılğan. Bügen respublikağa nigezdä tel, iqtisadi säbäplär nigezendä küçenep qaytalar. Andıy keşelär Tatarstanda bixisap küp. Häm alarnıñ watandaşlıq alu, ä dimäk eş, toraq mäs’äläläre bik tä qatlawlı xäl itelä.
Al'bina Zäynulla
Şuşı könnärdä Qazannıñ Duslıq yortında İdel buyı federal' okrugınıñ strategiä tikşerü üzäge ekspertı Ol'ğa Vıxovanes Tatarstandağı migrantlar belän oçraştı. Mäskäw ekspertı mäcbüri räweştä küçep kilgän migrantlarnıñ 15 yıl eçendä Tatarstanda niçek urnaşıp qaluın, yort, eş urınınıñ barlığı belän qızıqsındı. Berençe tikşerülär kürsätkänçä, migrantlarnıñ kübese inde urnaşqan. Kemnärder mäcbüri küçüçelär räweşendä yort, eş belän tä'min itelgän, beräwlär yortlarnı satıp alğan. Häm alar Rusiäneñ tulı xoquqlı grajdannarı sanala. Ol'ğa Vıxovanes äytüençä, Tatarstanda bügenge köngä qädär watandaşlıq almawçı mäcbüri migrantlar sanı meñnärçä häm yözlärçä tügel, ä alar distälägän genä qalğan.
Bilgele bulğança, Rusiädä 2002 yıldan soñ watandaşlıq alu qanunına küçep kilüçelär öçen qatıraq şartlar kertelde. Mäskäw ekspertı belän bulıp uzğan oçraşuda 2002 yıldan soñ watandaşlıq alu buyınça möräcäğät itüçelärneñ ğailälär quşıluı, balalar statusı kebek mäsäläläre dä qaraldı.
Tatarstandağı migrant xezmäte wäkile äytüençä, respublikada mäcbüri migrantlar statusın birü öç yıl elek tuqtatılğan. Bügen respublikağa nigezdä tel, iqtisadi säbäplär nigezendä küçenep qaytalar. Andıy keşelär Tatarstanda bixisap küp. Häm alarnıñ watandaşlıq alu, ä dimäk eş, toraq mäs’äläläre bik tä qatlawlı xäl itelä.
Al'bina Zäynulla
