Rusiä prezident Vladimir Putin Rusiä Çeçnädä terrorçılarğa qarşı suğışa häm monıñ belän üseneñ genä tügel, Yewropanıñ da mänfäğätlären yaqlıy dip belderde.
Putin monı Haagda Niderland premyer ministrı Jan Peter Balkenende belän söyläşülärdän soñ urtaq matbuğat oçraşuında belderde.
Putin Mäskäw terrorçılarğa qarşı sivilizatsiäle ısullar belän köräşäçäk dide. Şul uq waqıtta ul, Rusiäneñ cawabı terrorçılardan cämğiätkä yanağan qurqınıçqa qarata tieşle däräcädä bulaçaq dide.
Balkenende Rusiädä humanitar xezmätkärlärneñ yuqqa çığuı mäs'äläsen kütärüe turında äytte. Şul uq waqıtta keşe xoquqların saqlaw mäs'äläse näzberek häm däwamlı diskussiälär taläp itä torğan mäs'älä dide.
Putin Çeçnädä keşe xoquqları bozıluı mäs'äläse buluın tanısa da, bu mäs'älä köç qullanılğan böten cirdä bar dide. Bügen Putin Niderlandqa ike könlek säfären tämamlıy.
