Idel.Реалии

Кайнар хәбәр

гафиулла газиз

автор: гафиулла газиз

июль 31, 2010
Татарстан укытучылары КамАЗ хезмәткәрләре белән очрашты

Республика мәгарифе тарихында беренче тапкыр август киңәшмәсе дип исем алган сөйләшү июль аенда үткәрелде. Сәбәбе - КамАЗ хезмәткәрләренең тиздән ялга китүе.
июль 29, 2010
Чаллы сентябрьгә кадәр “Кыйбла”сыз калды

“Чаллы телевидениесеннән дүрт татар тапшыруы берьюлы юкка чыкты. Ни өчен татар тамашачысыннан шулай көләләр, аны санга сукмыйлар.” Соңгы вакытларда “Азатлык” хәбәрчесенә шундый мөрәҗәгатьләр күбәйде.
июль 22, 2010
Мөфти муллаларга хезмәт хакы түләү ягында

Русиядә наркомания, эчүчелек, фәхишәлек кебек күренешләр киң таралыш алган. Шушы замана бозыклыгына каршы дин әһелләре дә җиң сызганып эшләргә әзерләр.
июль 20, 2010
Елның соңгы Питрауы Чаллыда узды

Керәшеннәр Питрауга 12 июль көнне керде. Атна дәвамында, 19 июльгә кадәр алар төрле төбәкләрдә Питрауны бәйрәм итте. Әлеге бәйрәмнең соңгысы Чаллы каласында, Җиңү Мәйданында узды. Башка еллардан аермалы буларак, быел ераклардан кунак булып килүчеләр күренмәде.
июль 19, 2010
Айдар Хәлим: “Мәскәү ялгышын таныды”

Башкортстан президентының алышынуын Чаллы җирлегендә дә зур кызыксыну белән күзәттеләр. Башкортстанда туып-үскән язучы Айдар Хәлим “Рәхимовның китүе Русиянең бөтенлеге, тынычлыгы белән бәйле”, дип белдерде.
июль 14, 2010
Чаллы “Сәләте” кызларсыз узды

Быел беренче тапкыр буларак Чаллыда “Сәләт” лагере оештырылды. Аның беренче үзенчәлеге шунда, бирегә ир-балалар гына тупланды. Лагерь җитәкчесе Фәрит Мөдәррисов фикеренчә, кызлардан башка ир-балалар үзләрен иркенрәк хис итә һәм сәләтләренең ачылу мөмкинлекләре зурая.
июль 13, 2010
Тракторда татар, чалгыда якут оста

Алабугада 8 июльдә башланган Бөтенрусия авыл спортчыларының 8нче уеннары тәмамланды. Әлеге уеннарның тарихы 1935 елларга барып тоташса да, ул Татарстанда беренче тапкыр уздырылып, анда 4 меңнән артык авыл спортчысы, өйрәтүчеләр, хөкемдарлар катнашты. Шулай ук, ярышлар тарихында беренче тапкыр буларак, печән чабучылар, сыер савычулар Алабуга җирендә көч сынашты.
июль 01, 2010
Чаллыда Дамир Шәйхетдин шикаяте каралды

“Чаллы яшьләре” газеты мөхәррире Дамир Шәйхетдин Чаллы прокуратурасының тикшерү бүлеге башлыгы Мансур Сәетгәрәевне мәхкәмәгә биргән иде. Аның шикаяте каралды. Журналистның рухи зыяны 4000 000 сум дип бәяләп язган шикаятен Чаллы мәхкәмәсе нигезсез дип тапты.
июнь 30, 2010
Яшен Чаллы чиркәвен һәм авыл өен яндыра

Быел Чаллы һәм аның тирәсендә яңгыр булмады диярлек. 28 июньдә, кичке якта башланган яшенле яңгыр афәт китерә. Яшен сугудан шәһәр үзәгендәрәк булган “Рождества Христова” чиркәве янып китә. Төзелә генә торган чиркәүнең агач өлеше бик тиз күмергә әйләнә. Чаллыдан ерак булмаган Евлево авылындагы бер йортны да яшен сугып яндыра.
июнь 29, 2010
Хаҗ әдәбе хакында яңа китап

Чаллының “Тәүбә” мәчете имамы Идрис хәзрәт Галаветдин үзенең соңгы китабын хаҗ сәфәрләренә багышлаган. Китапта хаҗ кылырга баруның кыенлыклары хакында бәян ителә. Хаҗилар арасында комсызлык, сәүдәне беренче урынга куючылар күзәтелә. Китап хаҗдагы ямьсез күренешләргә сабак буларак язылган.
июнь 28, 2010
Чаллы ТИҮе ислам кабул иткән көнне булдыру ягында

Чаллы ТИҮ чираттагы утырышында Русия президенты Дмитрий Медведев, Дәүләт Думасы депутатлары һәм Федерация Шурасы сенаторлары исеменә мөрәҗәгать юллады. Әлеге мөрәҗәгать ислам динен кабул итү көнен канунлаштыру белән бәйле.
июнь 28, 2010
КамАЗ акционерлары хисап тотты

Июнь ае азагында КамАЗ ширкәте шактый зур чаралар билгеләде. Шуларның иң мөһиме ширкәт акционерларының еллык җыелышы. Җыенда Татарстан премьер-министры катнашуы чарага беркадәр дәрәҗә өстәде. Быелгы җыелыш буласы бина янында акцияләргә дивидентлар, башка юнәлештә канәгатьсезлек белдерүче төркемнәр күренмәде.
июнь 25, 2010
Чаллылар гына физика фәне имтиханыннан 100 балл җыя

Чаллы хакимиятендә мәктәпләрдәге уку торышына, бердәм дәүләт имтиханнарына нәтиҗә ясау буенча махсус утырыш узды. Шәһәр башкарма комитеты җитәкчесе Васыйл Шәйхразиев БДИ буенча Чаллы күрсәткечләре күркәм, дигән фикерне әйтте. Шул ук вакытта, “әйдә ярар” мөнәсәбәте белән эшләүдән арыну зарурлыгын искәртте.
июнь 23, 2010
Солдат хатлары гарәп, латин хәрефләрендә язылган

Сугыш елларында хәбәрләшүнең, аралашуның төп чарасы хатлар булган. Хатлар фронт хәлләрен авылларга, шәһәрләргә тараткан. Әлбәттә, ул вакытта чынбарлыкны хатларда бәян итү шактый куркыныч булган. Шуны истә тотып, ике арада йөргән хатларның күпчелеге “...без исән-сау, барысы да яхшы...” кебек көнкүреш вәзгыятенә кайтарып калдырылган. Мондый хатларга цензура бәйләнмәгән.
июнь 22, 2010
Сугышта хәбәрсез югалганнардан дәүләт файда алган

Дәүләт тарафыннан тиешле игътибар булмау сәбәпле Русиянең бик күп төбәкләрендә совет сугышчыларының җәсәдләре әлегә кадәр җир өстендә. Новгород өлкәсендәге Үлем Үзәнендә генә дә меңләгән хәрбинең җәсәде җиргә иңдерелмәгән. Русиядәге 50 өлкәнең 30ында сугыш хәрәкәтләре була. Шуларның һәрберсендә 1-3 үлем үзәне булган. Бу хакта Рафис Мөгыйнов китабында әйтелә.
июнь 18, 2010
Чаллы мәчетләре балаларны ял иттерә

Шәһәр мәчетләрендәге лагерьларда июнь ае уртасына кадәр кыз балалар ял итте. Хәзер менә ир балаларга чират җитте. Моннан 15 ел чамасы элек мөселман балалар лагерьлары дип исем алган мондый ял иттерү урыннары хокук оешмаларында ризасызлык та тудырган иде. Хәзер мондый күренеш сизелми икән. Чаллының “Нур-Ихлас” мәчетендә вәзгыять тыныч.
июнь 11, 2010
Дамир Шәйхетдин: “Зур сөйләшү алда булачак”

Дамир Шәйхетдин Чаллы прокуратурасының тикшерү комитеты башлыгы Мансур Сәетгәрәевне, "Челны ЛТД" газеты һәм “Рен” телеканалы редакциясен яла ягуда гаепләп мәхкәмәгә биргән иде. 10 июньдә мәхкәмә алды утырышы булды һәм анда процессның башлау көне бәян ителде.
июнь 08, 2010
СПИД авылларга да тарала, балаларга да күчә

Соңгы вакытта ВИЧ-инфекция белән авыручы хатын-кызлар саны арта. ВИЧ-инфекцияле кешеләрдән туган балалар, ятимнәр саны да ишәя. Бу күренешләр төрмәдән кайткан кешеләр белән җенси мөнәсәбәткә керү, гаилә кору белән аңлатыла. Чаллыда моннан 10-12 ел элек ВИЧ-инфекция авыруы билгеләнгән кешеләрнең үлеме дә кисәк арта бара.
июнь 05, 2010
Чаллыда яңа мәхкәмә эше көтелә

“Чаллы яшьләре” газеты мөхәррире Дамир Шәйхетдин быелның гыйнвар аенда хөкем ителде. Чаллы мәхкәмәсе аңа әлеге газетта Милли Мәҗлеснең 2008 ел, 20 декабрь карарларын бастырган өчен 1,5 елга шартлы хөкем чыгарган иде. Хәзер Дамир Шәйхетдин Чаллы прокуратурасы каршындагы тикшерү комитеты җитәкчесе Мансур Сәетгәрәевне мәхкәмәгә бирде. Дамир әфәнде аны ялган мәгълүмат бирүдә гаепли.
июнь 04, 2010
Татарстан тарихын белү бәйгеcе үтте

Чаллыдагы инженерлык, икътисад академиясенең тарих кафедрасы мөдире Рөстәм Гыйбадуллин Чаллыдагы югары уку йортлары җитәкчеләре белән килешеп, Татарстан тарихы буенча студентларның Шиһабетдин Мәрҗәни исемендәге икенче бәйгесен уздыруга иреште. Бәйгедә инженерлар академиясе, КДУның Чаллы бүлеге һәм башка югары уку йортлары студентлары белән бергә Гали Акыш исемендәге лицей такымы да катнашты.

XS

SM

MD

LG