Soñğı mäğlümätlärgä qarağanda, atnakiç Ğiraqnıñ parlament binasında bulğan şartlaw näticäsendä ber keşe hälak bulğan, 22-se törle cäräxätlär alğan. Bu elekke xäbärlärgä qarağanda beraz yaxşırağı, çönki başta şartlawda kübräk keşe, xätta ike deputat ülde, dip xäbär itelgän ide. Şuña da qaramastan, mondıy terror ğämäleneñ Bagdadtağı iñ imin, iñ saqlanğan urın sanalğan Yäşel zonada, xätta parlament binasında buluı bar Ğiraq buylap zur şom tarata.
