Апас районында авырулар саны күбәюе коронавирус кискен таралып китүне күрсәтми, дип аңлаткан Татарстан президенты сүзчесе Лилия Галимова.
Аның сүзләренчә, яңа вирус ике гаиләдә ачыкланган, калган очраклар бер-берсе белән берничек тә бәйләнмәгән.
Узган тәүлектә Татарстанның Апас районында COVID-19 йоктыруның 20 яңа очрагы турында хәбәр ителде. Татарстанда тәүлегенә 87 очрак, шуларның дүрттән бере диярлек Апаска туры килә. Хәзер, рәсми саннарга караганда, Апас районында 30 кешедә коронавирус табылган.
“Шулай ачыкланды. Бер-берсе белән берничек тә бәйләнмәгән кешеләр [йоктырган], бары бер-ике гаилә генә. Калганнары төрле кешеләр” дигән Галимова.
Татарстанда 13 майга COVID-19 вирусы йоктыруның 1919 очрагы теркәлгән. Соңгы тәүлектә 100 кеше савыккан, савыгучылар саны барлыгы 740 кеше.
Рәсми саннар. 13 май 10:35
| төбәкләр | авырган | терелгән | үлгән |
| Татарстан | 1 919 (+87) | 740 (+100) | 6 (+0) |
| Башкортстан | 1 696 (+49) | 466 (+30) | 16 (+0) |
| Русия | 242 271 (+10 028) | 48 003 (+4 491) | 2 212 (+96) |
