Yaña yıl başında, ozaqqa suzılğan yal könnärendä qızıqlı häm mäğnäwi itep waqıt ütkärü dönyada nujalarınnan beraz ayırılıp toru ciñel bulmağandır, çönki millionlağan keşelär 10 kön buyı yal itterü industriäse äle üsep citmägän. Kemnärder timerayaqlarda şudı, ikençelär çañğı tağıp urmanğa, qırğa çıqtı, öçençelär Yuğarı Oslan rayonındağı taw çañğısı sport kompleksına bardı. Kiñ qolaçlı reklamalanğan “Köndezge dozor” kinofil'mı bu könnärneñ iñ zur waqiğası buldı. Qazaxstanğa säyäxätkä barırğa cıyınğan Mintimer Şäymiev ta Timur Bikmanbetov töşergän bu kinonı barıp qarağan. Magiä kino tamaşalar zalında kötelmägändä Prezident häm anıñ xatnı päydä bulu fil'mnı qarağan keşelärneñ iğtibarın ekrandağı waqiğalardan Mintimer häm Säkinä Şäymievlarğa yünältergä mäcbür itkän. Tamaşaçılar qızıqsınıp qarıy torğan tağın ber üzençälekle çara, alar arasında Alfred Yakşimbetovnıñ icat kiçäse buldı.
Bu kiçtä filarmoniä binası şığrım tulı ide. Alfred Yakşimbetov isemle bayançığa 45 yäş tulu Qazan öçen ällä ni zur waqiğa bulmasa da, distälärçä keşeneñ rät aralarında utırğıçlar quyıp utıruı bu tamaşanıñ ğädättän tış ikänen kürsätte. Qazan tamaşaçısı ber genä konsertqa yögerep barırğa aşıqmıy, ämma bu yulı filarmoniä işekläre yanında tığız keşelär törkeme aldan uq küzgä taşlandı. Çönki Alfred Yakşimbetov cırçı Salawatnıñ bayançısı häm ul başqarğan iñ populyar cırlarınıñ avtorı. Alar bergä icat yulın başlap äle dä bergä säxnä totalar. Küräseñ tamaşaçılar Salawat, Xämdünä digän isemnärne kürep bu kiçägä ağılğandır, häm äytergä kiräk alar aldanmadı. Alfrednıñ tuğan köne säxnä urtasındağı kölkele küreneşlär, matur cırlar belän ürelep bardı. Bayançınıñ dusları, icattaşları urtasında säxnädäge här mizgelgä üz qaraşın belderüçe Salawat dustınıñ cırların bik yaratıp başqardı.
Alfred Yakşimbetovnıñ Läylä Däülätova belän icat itkän “Sayramağan Sanduğaç” häm başqa küp kenä cırlar Salawat cır teatrınıñ vizit kartoçkası äylände. Ämma bügen süz ul xaqta ğına tügel. Munça taşı artistlarınıñ uzğan yılda wafat bulğan Rim papası obrazın tudırıp, bügenge estrada turında fikerlär äytü milli sänğät'kärläreneñ niqädär ziräk häm original' ikänen kürsätte, Qamal teatrı direktorı Şamil Zakirov, cırçı – kompozitor Firzär Mortazin, Ufadan kilgän Färidä häm Robert Timerbayıvlar häm başqa bik küplär Tatarstan estradasında uñışlı eşläwçe yuaşqırt yegetenä üzläreneñ ixtiramın belderdelär. Bu kiçäneñ iñ qızıqlı urını Başqortstan respublikasınıñ Älşä rayonınnan kilgän qunaqlarnıñ säxnägä çığıp Alfret Yakşimbetov turında ixlas süzlär äytelde, bu turıda ğına tügel ä tatar häm başqort sänğät'kärläreneñ ber – bersennän icatta da , tormışta da ber mizgelgä dä ayırılmawın kürsätte bu çığış:
“Menä üzegez kürüegezçä tatar häm başqortnıñ duslığına 25 yıl. Moña isbatlaw bulıp Salawat häm Alfred tuğanımnıñ duslaşuına tora. ”Näq şul könne 46 sın tutırğan Salawat üzeneñ ğailä bäyrämen ütkärmiçä, ä ozaq yıllar buyı bergä eşlägän Alfrednıñ icat kiçäsen uñışlı ütkärergä zur köç salğan. Tatar häm başqort tellärendä beryulı eşläwe, şuşı ike xalıqnıñ mänfägat'lären qayğırtuçı Azatlıq radiosı öçen dä bu bik möhim waqiğa.
Rimzil Wäli
