Nikax comğa namazınnan soñğa bilgelängän ide. “Qol Şärif” mäçeteneñ aktlar zalında mul tabın qorılğan. Öydäge kebek ığı-zığı yuq - barısı da aldan äzerlängän.
Nikax mäcleslärendä qunaqlar küp buluğa ğädätlänsäk, biredä ata-ana, abıy-señel häm şahitlar ğına ide. Tulayım alğanda 10-15 keşe.
“Qol Şärif”tä nikax uqu teläge qız yağınnan bulğan. Liliä Qazan finans-iqtisad institutınıñ 3нче kursında belem ala. Bulat metro tözeleşe idäräsendä eşli.
Nikax comğa könne uzsa da, tuynı yäşlär cäygä genä plаnlaştıra. Mäcles aldınnan Qol Şärif mäçete imamı Ramil Yunısov yäşlärgä nikaxnıñ qısqaça tärtiben añlatıp uzdı. Nindi teldä uqırğa dip soradı. Kilgän jurnalistlar tatarça digän teläk belderdelär. Ämma yeget tä, qız da tatarça belmi ide.
Nikax mäclese Ramil Yunısovnıñ wäğäzennän başlandı. Wäğäzdän soñ qız häm yegetneñ rizalığı soraldı. Mäxer birelde. Mäxer bularaq yeget tä qız da ber-bersenä yözek kiderttelär. Şulay uq yäşlärgä berençe tanıqlıq tapşırıldı. Anda “Qol Şärif” mäçete möhere suğılğan ide. Nikax mäclesendä Qor'än uqıldı, doğa qılındı
Ramil Yunısov yäşlärgä Mäkkädän qaytqan “Qor'än” kitabı büläk itte. Annan yäşlärne tuğannarı qotladı.
Ramil Yunısov nikax mäclesen “Qol Şärif” mäçetendä uzdırırğa tezläwçelärneñ küplegen äytte jurnalistlarğa. İnde çirat ta tözelgän ikän. Nikaxlar buşlay uzdırıla. Tezläwçelär üzläre kiräk tapsa, sädaqa itep birä ala dide Ramil Yunısov.
Nikax uqular mäçetneñ konsepsiyasendä qaralğan ikän. Ramil Yunısov bolay dide
Bezneñ konsepsiya ütälä bara. Kiläçäktä monda fänni konferensiälär dä uzdıra başlıybız.Landış Xarrasova.
