bulmaw belän bäyle. Älege qanun proyektı tizdän Däwlät Dumasında qaralırğa tieş ikän.
İldar Ğıylmetdinov äytüençä, bügenge köndä Rusiädä yäşlär säyäsätenä qarağan programma bötenläy yuq. Yäşlärneñ yazmışı bügen bilgesez. Çönki 2005 yılğa qädär qabul itelgän federal' programmanıñ waqıtı yuq, ä yañası eşlänmägän. Bilgele bulğança, İldar Ğıylmetdinov Däwlät Dumasında mädäniät, sport häm yäşlär säyäsäte komitetı räise urınbasarı bulıp tora. Häm ul yäşlärneñ bügenge köndä zur köç buluın bilgeli. Däwlät alarnı quldan ıçqındırsa kiläçäktä bu qotoçqıç xällärgä kiterergä mömkinlegen iskärtä. Çönki yäşlärne üz mänfägat'lärendä qullanıp tartuçı başqalar tabılırğa mömkin.
Bügenge köndä yuğarı uqu betergän studentlarnıñ 50 protsentı üz belgeçlege buyınça eş taba almawı äytelde matbuğat oçraşuında. Deputatlar närsä eşläp utıra diärseñ. Baqsañ alar qanunnarnı qabul itä ala, ämma alarnı tormışqa aşıru öçen Rusiä Xökümäte aqça yuqlıqqa sıltıy häm ayaq teräp qarşı tora ikän. Bıyıl Prezidentnıñ däwlät proyektları barlıqqa kilgäç bigräk tä. 4 proyektnı tormışqa aşıru öçen 170 milliard sum aqça bülengän. Älege aqçalar sälämätlek saqlaw, mäğärif, toraq-kommunal' ölkäne häm awıl xucalığın yaxşırtuğa nigezlängän. Proyekt nigezendä
meditsina xezmätkärlärenä, klass citäkçelärenä eş xaqın arttıru, häm xastaxanälärgä yaña cihazlar satıp alu küzdä totıluın äytte İldar Ğıylmetdinov. Awıl mäktäplärenä avtobuslar birü, bala tabuçı analarğa posobie arttıru qaralğan. Ämma toraq mäs’äläse bügenge köndä iñ qatlawlı bulıp qala. Çönki fatir alu öçen kredit protsentlarınıñ yuğarı – 14 protsent tiräse buluı mäğlüm. 2010 yılğa anı 7-8 protsentqa qaldıru küzdä totıla ikän. Awıl xucalığına kilgändä, xällär tağın da möşkelleräk. Bötendönya säwdä oyışmasına kersäk, bezneñ awıl xucalığı çit illär belän köndäş itä almayaçaq. Şul säbäple yaña texnikalar alu zarur.
Älege 4 däwlät proyektınnan tış tağın ber yaqlanmağan ölkä bulıp mädäniät qala. Anıñ buyınça proyekt bulaçaqmı digäç İldar Ğıylmetdinov
Uzğan yılnı tağın berniçä proyekt qabul itelergä tieş. Şular arasında mädäniät bulır dip ömetlänäm. Çönki ul iñ yaqlaw sorıy torğan ölkä.
İldar Gıylmetdinov şulay uq “Rusiä balaları” digän däwlät proyektı eşlänäçägen bilgeläp uzdı.
Landış Xarrasova.
