Qazannıñ Mäskäw rayonında urnaşqan tatar balalar baqçası belän Tatarstan Däwlät şurası deputatları Tufan häm Robert Miñnullinnar, Bötendönya tatar kongressı Başqarma komitetı räise Rinat Zakirov tanıştı. Berençe çiratta deputatlarğa konsert täqdim itelde. Sabıylar tırışıp yatlanğan şiğerlär söylädelär, iyüllären kürsättelär.
Jurnalistlar da, deputatlar da balalarnıñ tatar telen ni däräcädä belüläre belän qızıqsındılar. Alar belän tatarça aralaşırğa tırışıp qaradılar. Sorawlar birdelär. Läkin aralaşu barıp çıqmadı. Sabıylar niçekter yatsınıp qaldı. 85 bala tärbiälängän baqçada balalarnıñ çınlıqta nindi teldä söyläşülären belep bulmadı.
Ber balanıñ anası
Bu balalar baqçası soñğı yıllarda yaxşı yaqqa üzgärde. Ämma bez bit ruslar belän aralaşıp yäşibez. Min balamnı birgändä şuña da iğtibar ittem. Monda törle tügäräklär bar – rus, ingliz telläre buyınça. Monda iğänäçe kiräk. Barı şul oçraqta ğına bez tärbiäçelärdä ni bulsa da taläp itä alabız.
Çayaraq äni häm äbilär söyläşü waqıtında gel aqça yağın qayırdı. Älege baqçağa iğänäçe - aqça belän tä'min itep toruçını bilgelägez dide alar deputatlarğa. Milli tärbiä turında barı şul çaqta ğına söyläşep bula digän mäğnä yata ide. Bilgele deputatlarnıñ balalar baqçasına kilüneñ maqsatı başqa ide. Alar tatar teleneñ bügenge xäle turında fiker yörttelär.
Tufan Miñnullin bolay dide
Däwlättän – byudjettan aqça tülängän balalar baqçasınnan da bez taläp itä alabız döres tärbiäne.
Ata-analarnıñ üz sabıyların tatar balalar baqçasına, mäktäplärenä birergä telämäwe turında assızıqlandı oçraşuda. Tatar tele belän yıraq kitep bulmıy digän fiker xökem sörä dielde. Qazandağı 2нче tatar gimnaziäse direktorı Qamäriya Xämidullina xäzerge buın ata-ananıñ üzeneñ tatar telen belmäwen äytte
Xäzer ana tele mäğnäse üzgärde. Çönki alar üzläre tatar telen belmi. Balalarğa ana tele dip söylägändä ul “Minem äniem bit rusça söyli”, - dip fiker yörtä. Şuña ul xäzer äbi tele.
2 nçe tatar gimnaziäse direktorı Qamäriya Xämidullina buldı
107 nçe balalar baqçasınıñ 2нче tatar gimnaziäse belän kileşüe bar. Uquların şunda däwam itä ikän bu balalar baqçasında tärbiälänüçelär.
Robert Miñnullin tatar telen balalar bersenä-berse öyrätergä tieş – barı aralaşıp qına telne öyränep bula dip sanıy. Ul bügenge metodikanıñ şaqtıy qatlawlı buluın häm anı töptän üzgärtergä kiräklegen äytte.
Landış Xarrasova
