Priştina. Kosovonıñ yaña premyer-ministrı Äğim Çeku, töbäk statusı mäs'äläsendä barı tik bäysezlek qararına ğına kilergä mömkin, başqaça bula almıy, dip belderde. Çeku süzlärenä qarağanda, töbäktäge serb azçılığı xoquqların garantiäläw häm ğomum totrıqlılıq buldıru öçen Kosovo bäysez bulırğa tieş. Kosovonı Azat itü köçlären citäklägän Çeku premyer-ministr itep 10-nçı martta raslandı, bu Serbiäneñ moña kisken qarşı çığuına qaramastan eşlände. Ul arada Austriäneñ Salzburg şähärendä Yewropa Berlegeneñ yuğarı wäkilläre aldında yasağan çığışında Serbiä tışqı eşlär ministrı Vuk Draşkoviç, Kosovoğa bäysezlek birü bar töbäk öçen hälakät bulaçaq, dip kisätte.
