Xalıqara teatr köne uñayınnan düşämbe könne teatr xezmätkärlären häm säxnä sänğäten yaratuçılarnı Tatarstan premyer-ministrı urınbasarı – Mädäniät ministrı Zilä Wälieva qotladı. Teatr köne belän bäyle düşämbe könne “Tatar-inform” agentlıysında “Tatar teatrına nindi dramaturgiä kiräk” digän tügäräk östäl uzdı. Anda dramaturglar Mansur Ğıyläcev, Xäbir İbrahim, Rädif Säğdi, şulay uq Tinçurin teatrı direktorı Fänis Mösägıytov, Älmät tatar däwlät drama teatrı baş rejisserı Ğafur Kayumov qatnaştılar.
Rusiä töbäkläre belän çağıştırğanda, Tatarstanda p'yesa yazuçılar, yäğni tatar dramaturglar san buyınça iñ kübe ikän. Läkin şul uq waqıtta tatar teatrı rejisserları quyarlıq yaxşı spektakl'lär yuq dip çañ suğa. Bu xaqta tügäräk östäldä dramaturg Mansur Ğıyläcev
Çit il spektakl'lären quyalar rejisserlar. P'yesa bulsın öçen berençe çiratta teatr avtor belän eşlärgä tieş.
Teatrlarnıñ kübese bügenge köndä tärcemä äsärlären quya. Çit il, rus ädäbiyatınnan alınğan äsärlär şaqtıy. Kübräk üzebezneñ - tatarlar küñelenä yaqın, alarnıñ tormışı belän bäyle bulğan spektakl'lär quyarğa kiräk dip bilgeläp uzdı Kärim Tinçurin teatrı direktorı Fänis Mösägıytov
Bez ber yıl buyı soraştıru uzdırdıq, 70 protsent xalıq komediä häm şunıñ 80 protsentı üzebezneñ tatar spektakl'lären quyunı sorıy. Çönki çit il äsärlärendä tatar ruxı yuq.
Tinçurin teatrı direktorı Fänis Mösägıytov fikerlären işettegez.
Xalıqnı teatrğa kiterü öçen bügenge köndä nişlärgä soñ? Nindi spektakl'lär quyarğa? Tügäräk östäldä bu xaqta açıq qına cawap yañğıramadı. Dramaturg Xäbir İbrahimov dramaturglar tarafınnan küp r'yesalar yazıluın äytte, häm äsärlärgä qıtlıq yuq dide.
P'yesalarnıñ kübesen teatr rejisserları kire bora dip zarlandılar. Tügäräk östäldä teatrda xäzerge kebek ber tügel, ä berniçä rejisser bulırğa tieş dielde.
Distä yıllar uzğaç ta qararğa qızıqlı bulaçaq spektakl'lär bügen az tua. Tügäräk östäldä berençe çiratta yuğarı däräcädäge spektakl' tusın öçen aqça, maxsus däwlät programması kiräklegenä basım yasaldı. Çit illärdän ürnäk alırğa kiräk dielde
Landış Xarrasova
