Şimbä, 1 aprel' könendä Qazannıñ Bauman uramında "Yumorına - 2006" kölke bäyräme uzaçaq. Bıyılğı kölke bäyrämeneñ bilgese yılmayu bula. Qunaqlarnı klownnar, “Dürt tatar” KVN komandası şayartuları kötä. Şulay uq törle qızıqlı konkurslar, büläklär, syurprizlar da bulaçaq. Ä qazanlılar bu könne niçek uzdırırğa häm niçek itep şayartırğa uylıy ikän.
- Ayırım ğına bilgeläp uzarğa cıyınmıym. Ämma tirä-yun'dä qızıqlı, tapqır keşelär bulğannı iskä alıp qızıqlı xällär kötep yörim.
- Student çağında auditoriäne qadaqlap quydıq häm däreslär bulmadı. Şulay uq minem belän dä şayartqannarı bar. Citäkçegä çaqıralar dip aldap kerttelär. Annan kergäç kenä 1 aprel' ikänne añladıq.
- Minem öçen küñelle kön. Gruppadaşlarım belän oçraşabız. Ämma böten şayartular da çamalı bulırğa tieş.
- Mine şayartqannarı bar häm min dä şayartqanım bar. Ber tapqır mäktäptä uqığanda äyttelär böten däreslär bulmıy dip, şunnan soñ inde şaqtıy awırğa turı kilde.
- Elegräk student çağında säğätlärne ike säğätkä üzgärtep quyğan häm min barası ciremä ike säğät alda bardım.
- Min üzem gel onıtam bu bäyrämne. Aldanıp şähärneñ ikençe çitenä barğanım bar oçraşuğa dip.
Landış Xarrasova
