April ayı yaz ayı ğına tügel, tatarnıñ milli uyanu, şiğriät ayı. Bu ayda Ğ. Tuqaynıñ tuuına 120 yıl tulunı bilgeläp ütelä. Ber atnadan, 26 aprildä
Ğ. Tuqaynıñ tuğan könendä zur şiğriät bäyräme ütäçäk. Tatarstanda bu kön “26 april' - tuğan tellär köne” dip iğlan itelgän. Qazanda çığuçı gäzit- jurnallar, televidenie, häm radio tapşırularda da, bigräk tä şiğri äsärlärne dönyağa çığaru bermä -ber arttı. Bigräk tä Tuqay bülägenä täqdim itelgän şağirlärneñ şiğerläre iğtibar üzägendä. Çäçmä äsärlär icat itüçe Rabit Batulla belän, Rafail' Mostafinnıñ kitaplarınnan ğäyre, Marsil Ğäliev, Rawil Boxaraev, Räzida Wälieva, Xarras Äyup, şiğerläre bıyıl Tuqay büläge komissiäseneñ iğtibar üzägendä bulaçaq.
Bügen bez sezne ber qızıqlı yäş şağirä belän tanıştırırğa telibez.
Ul - Läylä Däülätova. Läylä Däülätova şiğerläre yazılğan cırlar millionnarça cır söyüçelärgä bilgele. Anıñ şiğer'lärenä yazılğan populyar cır tälinkäläre inde küptän dönyağa taraldı . Anıñ tarafınnan televideniedä alıp barılğan mäxäbbät häm ğailä turındağı “Adäm häm Hawa” tapşıruında da, ul, keşe küñelenä yatışlı ğadi häm ixlas süzlär taba. 25 yäşendä Ğ.Kamal teatrında uzdırğan anıñ konsertın äle küplär xäterlider. Törle cirlärdä sibelep yäşägän tatarlar turındağı “Böten dönya tatarları cırı” da tatarlarnıñ gimnına äwerelep ölgergän cırnıñ avtorı da , Läylä Däülätova .
Ämma anıñ xäzergä, ber genä şiğere dä gäzit häm jurnal bitlärendä basılıp çıqmağan ikän äle. Häm ul bügen şiğri icatın cıyıp kitap bastırırğa näşriatqa iltep birgän yäş şağirä.
Ul “Azatlıq” radiosına iñ yaqın şağirä dip äytergä dä mömkin. Çönki ul yäşägän fatir Azatlıqnıñ Qazan byurosı belän qarşı yortta urnaşqan. Bu sişämbedä bez irtä tañnan tanılğan Läylä Däülätovanı Azatlıqnıñ Qazan byurosına çaqırdıq. Häm Läylä Däülätova , Rimzil Wälineñ sorawlarına “Mäxäbbät köçe” häm “Xalät” digän şiğerläre belän cawap birde.
Ä xäzer sezneñ iğtibarığızğa Läylä Däülätovanıñ “Yäşiseñ kilep, yäşä!” dip isemlängän şiğerenä Zöfär Xäyretdinov tarafınnan yazılğan köy belän tuğan cırnı Salawat Fätxetdinov başqaruında täqdim itäbez.
Audio
Mälikä Basıyr, Qazan.
