Xäyriäçelär Şurası utırışına jurnalistlar kertelmäde - utırış yabıq işeklär artında uzdı. Barı söyläşü tämamlanğaç qına 4 xäbärçene anda söylängän fikerlär belän tanıştırdılar. Rusiä islam universitetı qarşında tözeläçäk yaña dini uqu yortı turında kübräk söylände jurnalistlarğa. Anıñ iseme äle bilgelänmägän. TR mäğärif häm fän ministrı Räis Şäyxelislamov
Anıñ nindi bulaçağı - Qazanmı yäki Rusiä İslam institutımı äle bilgele tügel. Ul üz ustavı, ğalimnäre, Rusiä Möftilär Şurası tarafınnan bilgelängän uqıtu planı nigezendä oyışqan möstäkıyl' yuğarı uqu yortı bulırğa tieş. Şuña bu ike uqu yortı arasında yuridik bäylelek bulırğa tieş tügel.Yaña açılaçaq uqu yortınıñ citäkçese dini belemle keşe bulaçaq dielde. Uqu yortınıñ barı dini genä bulırğa mömkin tügellege añlatıldı jurnalistlarğa. Dini uqu yortın ğına betergän şäkert iqtisadıy yaqtan yaqlanmağan bula ikän. Mäsälän rayon cirenä qaytıp imam bulıp eşli ikän, aña xezmät xaqın kem tüli. Ul ğailäsen tuyındırırğa tieş bulaçaq bit dip assızıqladı Räis Şäyxelislamov. Qısqası, şäkertlärgä häryaqlap fayda bulaçaq ikän.
Rusiä islam universitetında birelgän belemnärneñ däräcäse citärlek bulmawı äytelde. Zilä Wälieva belderüençä, bügenge köndä zıyalı din belgeçlären äzerläw burıçı tora. Şulay uq İslamnı tirän belüçelär kiräk.
İslam yuğarı belem birü traditsiäläre äle formalaşıp qına kilä. Häm bez 8 yıl eşläp, universitet yuğarı yaña basqıçqa kütärelergä tieş dip sanıybız. Kiläçäktä islam jurnalistikası, islam bankı häm başqa şundıy zaman taläplärenä turı kilä torğan yunäleştäge belgeçlär artaçaq. Rusiä islam universitetı da, anıñ qarşındağı dini uqu yortı da monıñ belän şöğellänäçäk imeş.
Rusiä islam universitetınıñ citäkçese İldus Zahidullin belderüençä, Rusiä islam universitetında älegä ber genä bülek bulaçaq. Ul çit tellärne öyränü bülege. Läkin kiläçäktä belgeçleklärne arttıru küzdä totıla.
Yaña oyıştırılaçaq uqu yortında isä Şäriğät, Qor’än fakul'tetları bulaçaq. Şulay uq İslam sivilizatsiäse häm İslam täğlimätı bülekläre açılır dip farazlana. İldus Zahidullin
Yaña konsepsiä uylanıla. Yaña yuğarı dini uqu yortı buldıru buyınça. Ber işek aldında ikençe işek aldı bula alırmı. Rusiä islam universitetı oyıştıruçıları bulıp torğan Rusiä möftilä Şurası häm Tatarstan möselmannarı diniä näzaräte moña rizalıq birerme älegä bilgesez. Bu xaqta jurnalistlarğa tögäl genä cawap birelmäde.
Ä studentlarnıñ RİUdan kitülären TR mäğärif häm fän ministrı Räis Şäyxelislamov
Bu ğadäti xäl. Studentlar härwaqıt küpläp kitälär ide. Barı 4 protsent qına beterep çığa ide.Möğallimnärgä kilgändä, İldus Zahidullin kanikul tämamlanğanda alarnıñ tuplanıp betäçägen äytte. Bilgele bulğança, Rusiä islam universitetınnan 12 uqıtuçı eştän kitkän ide.
Landış Xarrasova
