Qazan şähäre Dumasınıñ 9нчы sessiäsendä iñ berençe başqalanı tözekländerü häm yäşelländerü, ayırım alğanda yullarnı remontlau, çüp-çarnı azaytu, öy tiräleklären çistartu turında süz bardı. Ber deputat Qazan merı İl'sur Metşinğa Şähär xakimiäte binasınıñ kerü yağın maturlatıyq äle – qunaqlar küp kilä digäç İlsur Metşin başta xalıq yäşi torğan yortlarnıñ işek alların qararğa kiräk äle dide. Äye xakimiät binasına da, xalıq yäşi torğan öylärneñ tirälegen maturaytırğa aqça citep betmi. Qazan şähäre Başqarma komitetı citäkçese urınbasarı Mansur Xafizov üzeneñ çığışında aqça citmäw turında bäynä-bäynä söyläde. Qazannı tözekländerü, yäğni maturaytu öçen şähär byudjetınnan 600 meñ sum tiräse aqça bülengän, çınlıqta ber milliard sumnan artığraq kiräklege äytelde. İlsur Metşin Qazan zur şähär, aqça citmi şuña respublika Xökümätennän yärdäm kötäbez dip belderde. Berençe çiratta yäşellekkä, yäğni ağaçlar utırtuğa zur iğtibar bireläçäk. Qazan şähäre merı İlsur Metşin
Qazanda, ayıruça yaña rayonnarda tözeleş küp buldı. Bigräk tä tuzğan toraq programması nigezendä. Azino, Yaña Savin rayonında yäşellek yuq. Alar bötenläy peläş. Bu zur aqçalar taläp itä. Qazannıñ yaña mikrorayonnarı da matur häm yäşel bulsın öçen eşlärgä cıyınabız.
Qazan yullarındağı maşina bökelären beterü öçen Keçe häm Zur Qazan bocraları. Şulay uq “Millenium” küpereneñ ikençe çiratı tözelä. Şul uq waqıtta şähärdäge yullarnıñ qayberläre inde 10 yıldan artıq remontlanmağanı äytelde. Monıñ öçen yılına 1,5 milliard sum aqça kiräk. Şulay uq şähär transportı turında süz buldı. İlsur Metşin
Xalıqnı yörtüçe transportlarnıñ barı ereläre genä qala. Xäzer 300 tiräse. Ämma alar beterelmi. Ä barı ere garajlarğa tuplana şäxsi yörtüçelär. Çönki anda texnik mömkinleklär, meditsina tanıqlıqları bar. Soñğı waqıtta avtobuslar belän bäyle xäläkätlär 35 protsentqa üste. Läkin bu eş belän şöğellänüçelär, yäğni şäxsi eşmäkärlär awırlıq kürmäyäçäk. Şulay uq transport logistikası institutına eş birelde. Barısın da sanap çığaru öçen. Qazannıñ üzägendä respublika şähäre häm rayonnarınnan kilgän avtobuslar yörmäyäçäk. 3 avtostansiä tözeläçäk. Çallı, Çistay, Gor'ki şossesı, yäğni Kirov rayonı yağınnan kerüçe avtobuslar öçen. Könenä respublika rayonnarı häm şähärlärennän Qazanğa 400дән artıq avtobus kilä häm kitä.
Sessiädä şulay uq Qazanda ictimaği tärtip urnaştıru, ut, yäğni şähärneñ uramnarın yatqıllıqta totu programmaları turında süz buldı. Şähärgä yaqındağı bistälär quşılu häm yaña mikrorayonnar barlıqqa kilü belän yaña ut bağanalar quya ixtıäcı tuğan.
Landış Xarrasova
