“Mobil' advokat” marafonı keşe xoquqların yaqlaw nisbätennän oyıştırıla. Anıñ programması “Agora” xoquq saqlaw oyışmalarınıñ töbäkara assotsiatsiäse tarafınnan eşlängän. Tatarstanda marafonnı Qazannıñ Xoquq saqlaw üzäge häm respublikanıñ Eçke eşlär ministrlığı uzdıra. Marafon turında Qazan xoquq saqlaw üzägeneñ ictimaği tikşerülär bülege citäkçese İgor Şoloxov
Xoquq saqlaw orğannarı tarafınnan cäberlänüçelärgä yärdäm kürsäteläçäk marafon qısalarında. Marafon ike atna däwam itäçäk. Şul waqıt eçendä advokat çaqırtu öçen täwlek buyı telefon eşläyäçäk. Anıñ nomerı – 240-70 74. İgor Şoloxov däwam itä.
Advokat xoquq bozılu urınnarına çığıp xezmät kürsätäçäk Alınğan xäbär urında raslansa, advokat zıyan kürüçegä xoquqi yärdäm kürsätü öçen kiräkle bulğan barlıq dokumentlarnı da räsmiläşteräçäk. Keşe xoquqın bozu turındağı mäğlümatnı tikşerü öçen advokat belän bergä Eçke eşlär ministrlığınıñ üzäk apparatı xezmätkäre dä kiläçäk. Ägär dä kemneñder xoquqı bozıluı turında dusları, tuğannarı yäki kürşeläre xäbär itsä, advokat belän bergä rayon eçke eşlär idäräsenä alar da kilergä tieş bula. Anonim möräcäğätlärgä isä cawap birelmäyäçäk.
İgor Şoloxov belderüençä, ägär xoquq bozu oçraqları aldağı könnärne bulsa, keşe inde yazmaça möräcäğät itärgä tieş bula. Läkin ul waqıtta advokat kilmäyäçäk, ämma tikşerülär qaralğan.
Landış Xarrasova
