Zamanında, yäğni monnan 6-7 yıl elek berençelärdän internetta tatar telendä buldırılğan Yuldaş säxifäsen Mäskäwdäge tatar yäşläre basıp aldı. Mäskäwdäge yäş millättäşlärebezneñ anda kerüe bik xup, läkin alarnıñ rusça aralaşuı küñelgä yatmıy. Ayıruça Qazan yäşläreneñ açuı kilä moña. Çönki bu Qazandağı tatar yäşläreneñ berdänber virtual' tatarça aralaşu urını ide.
Yuldaş tanışular säxifäse bularaq oyıştı. Häm äytergä kiräk, anıñ arqılı tanışıp ğailä qoruçılar da bulğaladı. Şulay uq futbol kebek uyınnar da oyıştırıldı. Ämma soñğı yıllarda Yuldaşqa kerüçe Qazannarnıñ sanı sirägäyde, şunıñ belän bergä tatarça yazuçılar da betkän ide. Bügenge oçraşuğa da 10лап tiräse genä keşe kilde.
Yuldaş oyışqanda anı şaqtıy piarlağan internet jurnalist Ğamil Ğibadullin
Ul waqıtta tatar telendäge säxifä bularaq yärdäm kiräk dip uylıy idem. Xäzer ul popsovıy saytqa äylände. Milli sayt tügel ul.
Yuldaş säxifäsenä elek kerüçelär bügen taralıp bette. Läkin izge urın buş tormıy digändäy, xäzer yaña yäşlär kerä. Mäsälän düşämbe könne oçraşuğa kilgän Färidä häm Gölnaz şundıylardan. Alar ikese dä Qazan qızları. Yuğarı uqu yortlarında belem alalar. Maysärä digän nik belän kerüçe Gölnaz
Min tatarça sayt dip qızıqsınıp kerdem. Läkin anda kübräk rusça yazalar.
Baumandağı säğät yanındağı oçraşuın oyıştırğan Färidä
Min “Asılyar” digän jurnalda ber yeget belän qıznıñ Yuldaş arqılı tanışıp öyläneşüen uqıdım. Şunnan qızıqsınıp kerdem.Oçraşuğa kilüçelär arasında urta buın wäkile Bilär şähärennän Röstäm abıy da bar ide. Familiäse äytergä telämäde. Yuldaşqa ul küptän tügel yulçı digän nik belän kerä başladı. Röstäm abıy
Bu säxifädäge kerüçe yäşlärneñ fikerläre bik töple. Alarnıñ kiläçäge bar.
Qazandağı yuldaşlılarnıñ oçraşuı şaqtıy tıynaq uzdı. Yäşlär kiläçäktä kübräk cıyılu turında kileştelär.
Landış Xarrasova
