Urta yäşlärdäge ir-yeget:
- Tayga urmannarın Qıtayğa arendağa birü mäs’äläsenä qarşı qarıym. Birmäs idem. Bu baylıqtan üzebezgä faydalanırğa kiräk. 30-35 yäş tiräsendäge yeget:
- Çimal satu bezneñ ekonomikabız öçen tiskäre küreneş minemçä. 35-45 yäşlärdäge xanım.- Birsennär qıtaylarğa. Alar tizräk eşkärterlär bu taşlandıq cirlärne. Yaponnarğa Kuril utrawların da birsennär äle. Kurilda, Tundrada, Taygada bezneñ keşelär bik xäyerçelektä yäşilär.
Yäş student qız bala:
-Birer idem. Üzebezneñ däwlät anı döres itep qullana almasa, ikençe däwlätkä birep , beraz aqça eşlärgä bulır ide. Qıtay däwläte üzeneñ keşelären, xalqın kütärä, Rusiägä däwlätenä dä bulışa alır ide. Marca äbi:
-Birergä kiräkmi. Alar soñınnan bu urmannarnı kire qaytarmayaçaqlar. Bälki bezneñ üzebezgä äybät itep eşkärtergä, uylap tabırğa andağı baylıq belän niçek faydalanırğa kiräklegen.
Kiräkmi. Alar äle 1 mln sorıylar, annan,2-3 mln cir sorıy başlarlar. Ber 20 yıldan soñ şırpı yasarğa da ağaç qalmas.Marca xanım:
Bezneñ üzebezneñ xalıq ta bik küp bit. Bälki üzebez berär närsä eşlärbez. Ber törkem yäş yegetlär arasınnan beräw :
Kiräkmi, yözlägän yıllar elek, suğışıp yaulağan bezneñ däwlät cirlären nindider qıtaylarğa birergä kiräkmi. Yemennan uqırğa kilgän ğäräp keşese:
Bu kileşüdän Rusiägä dä faydası bulsa, mömkin birergä. Ägär dä bolay ğına birsälär, alaysa kiräkmi.
Yıraq Könçığışta 3 yıl yäşäp qaytqan urta yäşlärdäge ir keşe:
Min kürdem andağı qıtaylarnıñ bezneñ urmannardağı iñ yaxşı sortlı ağaçlarnı legal'' häm legal'' tügel xäldä alıp çığıp , mebel'' yasap, bezgä satqannarın. Qıtaylılarnıñ maqsatı - bezneñ urman baylıqların yaulap alu. Alar bu urmannarnı arendağa alsalar, ul urmanda bulğan baylıqlarınıñ bar yaqların da sığaçaqlar.Aqçanı bez üzebez dä eşli alabız. Urman baylıqların aqçağa täñgälläşterergä yaramıy.
Mälikä Basıyr
