“Ciñü” xärbi-sport uyınnarı comğa könne genä başlansa da, aña äzerlek inde 1 ay däwamında bara. Uyınnar Qazannıñ tank uçilişçesı cirlegendä uzu säbäple, anda maxsus urınnar buldırılğan. Çönki törle töbäklärdän kilgän uquçılar şunda uq çatırlarda yäşäyäçäklär. Qısqası Layış şulpası eçäçäklär. Şuña da qaramastan uquçılar öçen bu uyın. Alarğa barısı da qızıq.
Oyıştıruçılar öçen isä bu zur waqiğa. Ni disäñ dä xärbi yunäleşkä soñğı waqıtta zur urın birelä. Rusiä Prezidentına yaqın ölkä şul. Kem arbasına utırsañ, şunıñ cırın cırlıysıñ.
Comğa könne “Ciñü” uyınnarı finalınıñ açılışında da, mäñgelek ut yanında uzğan mitingta da citdi-citdi süzlär söylände. Watannı saqlaw, patriotlıq dielde. Rusiä veterannarı häm veteran xezmätläre räise urınbasarı, general-polkovnik Anatoliy Bogdanov
Suğış tämamlanğanğa 61 yıl buldı. Zamanında sezneñ kebeklär suğışqa kitkännär ide. Sez dä bügen üz watanığıznı saqlawğa äzer.
Mäñgelek ut yanında “Ciñü” sport-xärbi uyınnarına kilüçe yäşlär härqaysı üzläreneñ räsmi- xärbi formasında bayraqları belän ber safqa tözelgännär ide. Aralarında qızlar da şaqtıy kürende. 90 qız didelär barlığı. Yaqutiä, Dağıstan, Tön'yak Osetiä kebek cirlärdän kilüçe uquçılar töskä-bitkä dä şaqtıy ayırılıp tora ide. Mitingta tolerantlıq turında da süz buldı
Tatarstan yäşlär eşläre, sport häm turizm ministrı Marat Bariev
Patriotlıq Watanğa mäxäbbätsez häm başqa xalıqlarğa qarata ixtiramsız bula almıy. Ciñüneñ dälile köçle bulu ğına tügel, ä ata-babalar traditsiälärenä tuğrı qalu da. Mondıy uyınnar uzdıru da kiläçäk buınnı tolerantlıq ruxında tärbiäläw, Watanğa mäxäbbät uyatuğa yunäleş bulıp tora.
Mitingta suğış qırlarında ülep qaluçıların 1 minutlıq tınlıq belän iskä aldılar, Çäçäklär quyıldı.
Şunnan soñ çaralar “Xezmät rezervları” stadionında däwam itte. Anda tantanalı açılış buldı. Tatarstan Premyer-ministrınıñ berençe urınbasarı Rawil Moratov älege 10нчы uyınnarnı finalı näq Qazanda uzuı respublika öçen zur däräcä dide. Çınnan da Sovetlar Berlege tarqalğannan soñ älege uyınnar tuqtatılğan bulğan. Kübesenä ul “Zarnitsa” iseme arqılı tanış ide. Bıyıl uyınnarnı uzdıru öçen törle cirlär qaralğan, ämma azaqta iñ uñışlısı dip Qazan saylanğan. Mäskäwdän general-polkovnik, millättäşebez Räsim Aqçurin Tatarstan tarixın da belep kirterlär dide pänceşämbe könne uzğan matbuğat oçraşuında. Ul xäzer mäktäp programmalarında suğış qaharmannarına az urın birelüen belderde. Musa Cälil ber programmada da yuq dip borçıldı.
Äye 6 kön däwamında uquçılarğa qırlarda suğış-suğış uynaw ğına tuydırır şul. Şuña programmada tarixnı, ğöref-ğadätlärne öyränü dä qaralğan.
Landış Xarrasova
