Tatarstan arxeologları Ästerxanğa bara

Arxeologik ezlänülär 10 yıl däwamında Penza, Ryazan, Tübän Novgorod ölkälärendä dä oyıştırılaçaq. Ul tatarlar tarixı belän bäyle. Bıyılğı säfärne Altın Urdanıñ başqalası bulıp torğan Selitrennoyı şähärçegennän başlarğa bulğannar. Xäzer anda ber awıl urnaşqan. Tatarlar, ruslar häm qazaqlar ğömer kiçerälär. Zamanında mongollar kilgänçe tatarlar tormışı belän bäyle zur şähär bulğan. Bu xaqta Tatarstan tarix institutınıñ arxeologik tikşerenülär milli üzäge citäkçese Ayrat Sitdıykov

Moña qädär monda zur şähärlär bulğan. Alar tatar tarixı belän bäyle. Ul bezneñ miras. Şunı bayıtu maqsat bulıp tora

Ayrat Sitdıykov belderüençä, älege eşlärdä çittäge millättäşlärebez dä qatnaşa. Bilgele härqaysınıñ aqça yağınnan bulışırğa mömkinlege yuq. Ayrat Sitdıykov

Ästerxan tatarlarına tayanıp eşlibez. Penzada, Tübän Novgorodta da tatarlar bulışır dip ömetlänäbez kiläse yılğa.

Tarix institutınıñ arxeologik tikşerenülär milli üzäge citäkçese Ayrat Sitdıykov söyläde.

Bıyılğı ekspeditsiädä qazu eşlärendä kübesençä studentlar qatnaşa – praktika qısalarında. Çönki aqça yağı qıtlıq kiçerä. Tarixnı öyränergä aqça yuq.

Bu şähärçekkä baylıq ezläp kilüçelär şaqtıy bulğan. Şulay uq anıñ kirpeçlären dä urlıy başlağannar. Bu xaqta professor Äzhär Möxxämädiev

Bomba şartlağan kebek bula. Kirpeçlären alalar, çönki alar nıq. Xäzer dä ul kirpeçlärdän qullanalar.

Äzhär Möxxämädiev äytüençä, Ästerxan Kremlen tözüdä dä tatarlar şähärçegendäge kirpeçläre qullanılğan. Ul xäzerge kirpeçlär kebek ozınça tügel, ä şaqmaq bulğan.

Landış Xarrasova