Pänceşämbe könne axşamnan soñ Qazan mäçetläreneñ kübesendä Bäraät kiçäse uñayınnan şaqtıy möselmannar cıyıldı. Alar ber-bersen qotlap yasin, salawat uqıdı, Allahı isemen äytep Yästügä qädär mäçetlärdä buldılar. Äle xäzer dä qayberläre mäçetlärdä qalıp doğa qıla. Pänceşämbe kiçen başlanğannan Bäräat kiçäse irtägä kön buyı däwam itäçäk. Bäraät kiçäse turında Qazannıñ “Bolğar” mäçete imamı İldus xäzrät Fäiz
Şäğban ayınıñ näq urtasında Allahı Täğälä üzeneñ nurın-färeştälären cirgä cibärä. Axşamnan soñ ğomer ağaçın selkergä quşa. Ul yafraqlarda härkemneñ isemnäre yazılıp quyğan. Täqdir ağaçı. Qaysı yafraq töşä ikençe Bäräаtkä qädär ul keşe can-töslim qılır.
İldus Fäiz äytüençä, bu töndä färeştälär Allah Täğälä qarşına här keşeneñ yıllıq bulğan xisabı belän aşqınalar. Ütkän yılğa qarap, kiläse yılğa här keşeneñ täqdire bilgelänä. İldus Fäiz
Ägär xäyerle tormış qılğan bulsañ xäyerlese bilgelänä, ägär närsäneder Allahıdan östenräk quysañ – Xoday sine şunıñ belän sınıy.
Bu töndä axşam namazınnan soñ 3 tapqır Yasin süräsen uqıp här yäsminnän soñ doğalar qılu xäyerle bulır. İldus Fäiz belderüençä, tönlä belän Täxäcüd waqıtında 10нан alıp 100гә qädär näfel namazları uqu mömkinlege qarala. Bu sannı törle cirdä törleçä bilgelägän ğalimnär. Läkin bu mäcbüri tügel, küñeleñ teläsä genä başqarıla torğan eş. Bäraät kiçäseneñ köne turında İldus Fäiz
Bıyılğı Bäraät kiçäseneñ köne comğa köngä turı kilä. Bu könne xäyerle bulır ide uraza totsağız di, läkin ber närsäne kisätep quyarğa kiräk, comğa könne berençe kön bularaq näfel urazası bula almıy. Bu – mäqrux.
İldus Fäiz belderüençä, comğa könne uraza totarğa yaramağanlığınnan berençe kön itep pänceşämbe könne uraza totarğa kiräk bulğan. Şulay uq bu könne här keşe izgelek kenä qılırğa tieş. Doğa qılu belä berrättän fäqirlärgä sädaqa öläşälär.
Landış Xarrasova.
