Tatarstanğa 1993нче yılda küçenep qaytqan Mansura xanım Ziäyewa 1995нче yılğa qädär cir sorap yörgän. Biektaunıñ İneş bistäsendä mäcbüri küçep qaytuçılar öçen yärdäm kürsätelä disälär dä, maxsus programma nigezendä, Mansura xanımğa sçetovoy, yäğni qaçaqlar öçen tözelgän maxsus yortlarda da, şulay uq cirlär dä älegä yuq dip assızıqlanğan. Bu xaqta Mansura xanım Ziäyewa
Min küçep kildem Üzbäkstannan. Cir soradım. Alar äytte buş cirlär yuq dip. Kilep yöregez didelär. Alar migratsiä xezmätenä dä möräcäğät itärgä quştılar. Bälki sçetovoy – yäğni qaçaqlar öçen yort birerlär didelär. 95нче yılda malayım aqça eşlägäç cirne satıp aldıq.
Mansura Ziäyewa äytüençä, ägär küçep qaytuçılarğa cirlär yuq dielsä, xäzer alar satıla ikän. Bilgele ki, Qazannan 20 genä çaqrım bulğan İneş bistäse küplärne qızıqtıra. Şulay uq maxsus qaçaqlarğa dip salınğan yortlarnıñ da 3се buş ikän. Alar barlığı bistädä 15әү bulğan. 2 yortnı isä monda elek deputat bulıp torğan Nailä Ğaliewa sattı dip belderä Mansura Ziäyewa
15 yorttan küp bulsa 4 yortta qaçaqlar tora.
Mansura Ziäyewa äytüençä, alar inde üzläre salıp çıqqan yortqa 10 yıl inde terkälä almıylar. Çönki yäşäw öçen taläplärgä turı kilmi dip qarşı çığalar ikän. Başqa küçenep qaytuçılar belän dä şundıyraq xäl ikän.
Ğomumän kübräk küçep qaytuçılar öylären tözep beterä almaw säbäple kübese Qazanğa kitä ikän. Bu İneştä qalğan qaçaqlar ut, su mäs’älälären üzläre xäl itärgä mäcbür ikän. Mansura Ziäyewa däwam itä
Cir öçen salım tülibez. Ut, su, kommunikatsiä eşlängän dip aqçalar aldılar. Ämma alar bit yuq.
Mansura Ziäyewa äytüençä, qaçaqlarğa yärdäm itü öçen dip 220 million sum qaralğan bulğan. Häm ul aqçalar da tieşle keşelär ala almağan. Bu aqçanı elekke deputat Nailä Ğaliewa üze telägänçä bülde di Mansura Ziäyewa. Häm barlıq cirlärne satu belän dä şuşı Nailä Ğaliewa şöğellänä di. “Azatlıq” radiosı kiläçäktä dä bu mäs’äläne açıqlawnı däwam itäçäk.
Landış Xarrasova
