Qıtaydağı tatar yäşläre Tatarstanğa uqırğa Prezident çaqıruı buyınça kilgännär, yäğni 2003 yılnı Mintimer Şäymiev Qıtayda bulğanda häm tatar oyışmaları wäkilläre belän oçraşqanda millättäşlärebezne çaqırıp kitä. Urıs telen bötenläy belmägän, tatar telen dä uyğır tele belän butaştırğan millättäşlärebez ber yıl däwamında Qazan däwlät texnologiä universitetında maxsus belem alalar – yäğni yuğarı uqu yortına kerergä dip äzerlek kursları uzalar. Rus, tatar tele, tarixı, mädäniäten öyränälär. 36 millättäşebezneñ 8е ber yıldan soñ kire üzlärenä Qıtayğa qaytıp kitärgä qarar qıla, bu berençe çiratta aqça citmäw belän bäyle bulsa, şulay uq uquların Qıtayda däwam itüne qulayraq kürüçelär dä tabıla. Qalğan 28 yäş millättäşebezneñ nindi uqu yortın saylawı turında Qıtaydan kilgän Cäwdät Ğabbas
14-KDUda, 10- Tatar däwlät gumanitar-pedagogiqa universitetında, 1- Qazan däwlät meditsina, 2 - Qazan däwlät texnologiä universitetında, 2- Qazan däwlät mädäniät häm sänğät universitetında belem ala.
Cäwdät Ğabbas üze Qazan däwlät universitetınıñ ingliz tele fakul'tetın saylağan. Ul uqu barışında ingliz telenä qarağanda rus telen üzläşterü küpkä awırraq buluın äytä. Qazan däwlät texnika universitetında belem aluçı Qaharman Ğalimov
Miña leksiälär yazu bik awır, çönki Qıtayda andıy äyber yuq, annan kitaplar da inde iske - 1983 yılğı. Şunısı ğäcäpkä qaldırdı.
Qazan däwlät universitetınıñ tatar filologiäse fakul'tetında belem aluçı Gölcährän Çapayıwa
Min iske tatar yazuı buyınça yazam, çönki kirill xärefläre belän yazarğa citeşmim.
Qaharman Ğalimov äytüençä, ikençe awırlıq äle aña däresleklär birmilär ikän. Çönki uqu öçen boyırıq çıqmağan. Boyırıq isä aqça küçkäç kenä çıqqaç. Bötendönya tatar kongressı Başqarma komitetınnan belderülärençä, Qıtaydağı millättäşlärebezneñ uquı öçen respublika qaznasınnan aqça küçerelergä tieşle.
Läkin bügenge köndä Qıtaydağı millättäşebezne başqa mäs'älä borçıy. Qazan däwlät universitetınıñ rus filologiäsen saylağan 4 studentqa imtixan alğannan soñ, uqıy almıysız dip tatar fakul'tetına kerergä kiñäş itkännär. Comğa könne alar imtixan tapşıraçaq. Ägär imtixannı birä almasalar studentlarnı nindi yazmış kötä – monısı bilgesez. Rus filologiäse fakul'tetı wäkilläre 60 meñ tüläp tağın ber yıl äzerlek kursında uqırğa kiñäş itä ikän. Ğomumän Qazan däwlät universitetına kerüçelär küp awırlıqlarğa oçrağannar. Alarnıñ äzerlek kurslarında alğan belem buyınça birelgän diplom bu uqu yortında köçkä iä tügel dip raslanğan.
Qıtaydan kilgän yäş millättäşlärebez 5 yıl belem alğannan soñ Tatarstanda qalaçaqlarımı, yäğni üzlärenä qaytıp kitäçäkläreme äle bilgele tügel. Tatar kongressında soraştıru uzdırdıq 10сы bezneñ respublikada qalırğa teläk belderde dip assızıqlasalar da, “Azatlıq” radiosına yäşlär äle tögäl genä cawap birä almadılar. Kiläçäk kürsäter didelär.
Landış Xarrasova
