Tatarstan, Çuaşstan, Orenbur, Yekaterinburdan da kilälär.Çit ildän kilgän millättäşlärebez dä Mäskäw mädäni üzägen çitlätep ütmi. Kemnärder üz täcribäse belän urtaqlaşırğa kilsä, qayber qunaqlar mäskäwlärdän öyränergä, alar belän aralaşunı başlap cibärergä niätläp kilä. Şuşı könnärdä Mäskäw mädäni üzägendä Piterbur qalasınnan kilgän İldar Faxraziev belän dä oçraşırğa turı kilde. İldar Mäskäwgä yäşlär oyışması belän tanışırğa, alarnı üzlärenä qunaqqa çaqırırğa dip kilgän. Mäskäwdä yäşlär oyışması baytaq qına. Ä inde İldarnı “Qunaq” klubın citäklägän Radik Yarullin eşe qızıqsındıra ikän. Bez anı üzebezgä qunaqqa çaqırırğa uylıybız, dide İldar. Ä inde Piter yäşlärenä kilgändä, bezneñ oyışmada ğına biş yözgä yaqın keşe bar, dide ul. Xäzer inde mäskäwlär täcribäse belän tanışqannan soñ, bezdä şul ürnäktä eşebezne başlap cibärergä uylıybız , dide İldar Faxraziev. Süz uñayında şunısın da äytep kitik, Radik Yarullin Roza Xäbibullina citäkçelegendäge “Ayqay” törkeme cırçısı da. Läkin berniçä yıl elek ul oyıştırğan “Qunaq” dip atalğan yäşlär klubı danı inde yıraqlarğa işetelgän küräsen. Yäşlär arasında Radik Yarullinnı “Didcey Radik” dip tä belälär. Kiçälärdä başqarılğan baytaq qına cırlarnı Radik üze icat itkän.
Näzifä Kärimova, Mäskäw
