Uraza totunıñ soñğı köne bıyıl yäkşämbegä, yäğni 22 oktäbergä turı kilä. Ber ay buyına mäçetlärdä täräwix namazları uqıldı, iftar mäclesläre uzdı. Bıyılğı Ramazanğa näticä yasap TR möselmannarı Diniä näzaräte räise urınbasarı Wäliulla xäzrät Yaqub
Bıyıl Ramazan bik bäräkätle uzdı. Berençe tapqır uraza totuçılar da arttı. Mäçetlärdä dä 13 meñ 500 keşegä isäplängän keşegä awız açtırdıq.
Wäliulla xäzrät belderüençä, bıyılğı Ramazan tağın şunıñ belän üzençälekle buldı, Tatarstan prezidentı citäkçelegendä respublikada xäyriä belän şöğellänüçe maxsus Şura oyıştırıldı. Ğomumän, bıyıl Ramazan ayı qısalarında xäyriä aksiäläre küp uzdı. Alarnıñ küpçelege moxtaclarğa - qartlarğa yärdäm itü nisbätennän oyıştırıldı. Şulay uq Ramazanda fitr sädaqasın da berençe çiratta yalğızlarğa, moxtaclarğa tapşırılırğa tieş. Bu xaqta Wäliulla xäzrät Yaqub
Fitr sädaqasınıñ iñ az küläme 20 sum. Anı ğayıtkä qädär tapşıru zarur. Çönki moxtaclar bu bäyrämne şatlanıp qarşı alırğa tieşlär. Ä zäkätne isä üzendä 40 meñ sum aqçası bulğan keşe birergä tieş. Ul bulğan malnıñ 2,5 protsentı.
Wäliulla xäzrät belderüençä, zäkyätne yıl däwamında birergä mömkin. Ämma Ramazan ayında birü küpkä sawaplıraq sanala. Fitr sädaqasın isä mäçetlärgä dä tapşıru mömkin. Bıyıl da Ğayıt bäyräme isä turı efirda Yaña Ğasır televideniesendä kürsäteläçäk. Dimäk anı çittäge millättäşlärebez dä kürä alaçaq. Ul 6.50 dä başlanaçaq. Uraza ğayıte turında möfti Wäliulla xäzrät Yaqub
Respublikanıñ meñnän artıq mäçetlärendä Uraza ğayıte uzaçaq. Töp çara isä “Qol-Şärif” mäçetendä ütkäreläçäk häm anı TR möselmannarı Diniä Näzäräte räise Ğosman xäzrät İsxaqi citäkliäçäk.
Wälilulla xäzrät Yaqub belderüençä, Uraza ğayıte äzerlänü sorıy torğan ğämäl. Ğayıtkä qädär paqlanu zarur. Şulay uq bu könne taba ise çığaru kiräk.
Landış Xarrasova
