Soñğı ike yılda ğına da respublikada 50дән artıq mädäni miras binası däwlät saqlawınnan mäxrüm qalğan. Anıñ qaysı sütelgän, qaysı investorlarğa birelgän. 15 sentäber könne Xökümät qararı nigezendä, tarixi häykällär binası isemlegennän çığarılğan “Bolğar” qunaqxanäsen kiläçäktä nindi yazmış kötä äle bilgesez. Matbuğat oçraşuı kübräk “uftanu”ğa qaytıp qaldı. Tatarstan Däwlät Şurasınıñ Mäğärif, fän, mädäniät häm milli mäs'älälär komitetı räise Razil Wäliev
Şuşı ataqlı binanı mädäni miras isemlegennän sızıp taşlaw ul kemgäder birü digän süz. Rekonstruksiä yasarğa byudjetta aqça yuq dilär. İnvestorlarğa şäxsi üzlärenä birmäsäñ alar anı almıy. Bu alarğa birelgäç tä remontlanırğa tieş. Ämma härwaqıt alay bulıp çıqmıy. Mäsälän küptän tügel Butlerov yortı sütelde.
Razil Wäliev belderüençä, bu mäs'älä buyınça şaqtıy cinayät eşläre dä quzğatılğan, prokuratura da Xökümätkä däğwäların beldergän. Ämma älegä qädär ber genä keşe dä bu mäs'älä buyınça cawapqa tartılmağan. Razil Wäliev
Däwlät Sovetı sessiäsenä kertergä täqdim itäbez. Çönki bötenläy tarixi binalarsız qalırğa mömkinbez.
Razil Wäliev tarixi binalarnı saqlap qalu öçen älege eş belän şöğellänüçe Tatarstannıñ mädäniät ministrlığı idäräsenä dä, şähär xakimiätenä dä möräcäğät ittek, läkin alarda närsägäder köçsez buluların belderdelär di. Deputat Tufan Miñnullin “Bolğar” qunaqxanäse kemneñder küzen qızıqtırğan dip sanıy. Tufan Miñnullin
Bu urın kemgäder oşağandır, şuña kürä anı alarğa birergä uylıylardır. Zamanında Taqtaş yortın süttelär. Anı da saqlıybız, muzey yasıybız dip äyttelär. Xäzer xätta memorial' taqta da quyarğa urın yuq. Süz genä bar. Qarar çığarabız, läkin anı berkem ütämi.
Tufan Miñnullin “Bolğar” qunaqxanäsenä kemder küz salğan disä dä, matbuğat oçraşuında ayırım isemnär äytelmäde. İnvestorlar turında süz bulmadı. Dimäk älege Tuqay yäşägän qunaqxanä kemgäder birelgänme, bireläçäkme anısı bilgesez bulıp qala. Barı deputatlar bu binanı aluçı investorlar anı sütmiçä, elekke qiäfäten saqlap qalıp tözekländärsälär bez qarşı tügel dip äyttelär.
“Azatlıq” radiosı xäbärçese bu eş öçen cawaplı bulğan Tatarstan mädäniät ministrlığı wäkile İğor Nisterenkoğa da şaltırattı. Ul isä bez bu matbuğat oçraşuında qatnaşırğa teläk beldergän idek, läkin ixtıäc yuq dip kire qaqtılar dide. Landış Xarrasova
