Bu könnärdä kürenekle tatar kompozitorı Ğ.Tuqay büläge iäse Sara Sadıyqovanıñ iseme matbuğatta da , balalar arasında da, däwlät oyışmalarınıñ büläkläw isemlegendä dä yış yañğıradı.
Äytep ütkännär arasında, şuşı şimbädä Qazannıñ Kirov rayonında urnaşqan Tatar yäş tamaşaçılar teatrında Sara Sadıyqovanıñ 100 yıllıq yubileyına bağışlanğan 3нче Töbäk ara “Qalfaqlı sanduğaç” isemendäge festivaleneñ yomğaqlaw konsertı uzdı. Bu festival' berençe märtäbä şundıy zur säxnädä ütte. Bäygene oyıştıruçılar TR Kompozitorlar berlege, Kirov rayonınıñ xakimiätı, Sara Sadıyqova ictimaği fondı, Kirov rayonınıñ mäğärif idäräse, häm 4 sanlı tatar gimnaziäse häm 24санлы balalar muzıka mäktäbe tarafınnan oyıştırıldı.
Uzğan şimbädä Tatar yäş tamaşaçılar teatrı säxnäsennän irtännän alıp kiçkä qädär Sara Sadıyqovanıñ cırları yañğırap tordı. Çönki bu könne uquçı balalar arasında uzdırıla torğan “Qalfaqlı sanduğaç” töbäk -ara festival'neñ yomğaqlaw köne uzdı. Bu festival' 3 nçe märtäbä genä uzsa da , Sara Sadıyqovanıñ cırların başqarırğa teläwçelär yıldan- yıl arta.
Bıyıl festival'dä qatnaşırğa kilüçelär Qazan şähärennän tış, Tatarstan respublikasınıñ Teläçe , Layış Yuğarı Oslan, Saba rayonnarınnan häm kürşe Çuvaşiä respublikasınnan häm dä Mäskäw belän S-Peterburgtan qatnaşuçılar sanı da kübräk ide. Tatarstannan kilgän balalar barısı da tatarça yaxşı söyläşmäsälär dä, qaylardan kildegez digän sorawğa: S- Peterburgtan kilgän İl'yas Kamalov menä närsä dide
“Bıltır üzem genä kilgän idem , bıyıl 10 yäşlek enem dä kilde. Ul Änkäy köyen voltornada başqara” dide İl'yas.
Bu festival'dä İl'yasnıñ enese, Salawat ikençe urınnı yaulasa, Ä İl'yas berençe urınğa layıq buldı.
Bıyılğı festival'neñ üzençälege tağın şunda, berençedän uquçı balalar başqaruında kompozitor icat itkän cırlarnıñ repertuarı artqan. Balalarnıñ kigän kiemnäre cırlarnıñ eçtälegenä turı kilep toruı häm şulay uq milli buluı belän dä ayırılıp tordı. Cırlarnı başqaruçı balalarnıñ yäşe dä 6 yäştän ük häm 17яшькә qädär ide. Festival'dä qatnaşuçılar arasında balalar törle muzıka mäktäplärennän genä tügel, xätta ğomumi belem birü mäktäplärennän dä kilgännär ide.
Sara Sadıyqovanıñ cırların muzıka qoralında yalğız başqaruçılar da häm ansambl' belän başqaruçılar da kübräk buldı. Häm şunsın da äytep kitärgä kiräkter, muzıka qoralında başqaruçılar arasında köylär fortepianoda, bayanda , violonçel'dä , skripkada , voltornada, mandolinada yañğıradı. Festival'neñ jyuri räise Rusiäneñ atqazanğan artistı Klara Xäyretdinova ide. Cyuri äğzası TDGPU muzıka fakul'tetı dekanı professor Färidä Salitova bu festival'neñ ähämiäte turında menä närsä dide. “ Bez üzebezdä uqırlıq şäkertlärne , sälätle balalarnı ezlibez”dide.
Sara Sadıyqovanıñ köylären balalar başqarır öçen uqıtuçılar , muzıkantlar tarafınnan komp'yuterda eşlängän fonogrammalar da qullanıldı. Balalar bu fonogrammalarğa quşılıp ta cırlarnı başqardılar .
Festival'dä Sara Sadıyqovanıñ cır tügärägenä yörgän, bügenge köndä Gagarin isemendäge mädäniät sarayında balalar belän eş alıp baruçı bayançı Ramil İbatullin Azatlıq radiosına festival'däge tä'sirläre belän urtaqlaştı.
Ciñüçelär dä bik küp buldı. Här janrnıñ üz ciñüçeläre buldı. Läkin Gran -Pri aluçılar da buldı. Alar cırçı öç yeget ide. Qazan şähäreneñ 8 balalar muzıka mäktäbe uquçıları Ayrat Ganiev, Fidail' Mingazov, Oleg Tixonov, Sara Sadıyqovanıñ G. Zäynaşeva süzlärenä yazılğan bik siräk başqarıla torğan Häykäl isemle cırın başqardılar. Häm Böten dönya tatar kongressınıñ bülägenä iä buldılar.
Konkurs festival'dä qatnaşuçılar başta 80 nomer ide , soñraq kilüçelär säbäple, alar 90 ğa citte. Ämma festival'dä qatnaşuçılar sanı 150 gä citte.
Festival'dä qatnaşuçı balalar cırlarnı barısı da bik yuğarı däräcädä başqara almasalar da, alarnıñ bu Sara Sadıyqovanıñ moñına tartıluı, milli moñnı işetü häm alarda başqaru teläge buluı, bik uñay küreneş, dide Sara Sadıyqovanıñ fond citäkçese Äzhär Xösäyenov.
Şul uq könne, “ Tatar internetı yoldızları”n büläkläw tantanasında “Tatar dönyası” nominatsiäsendä “Sara Sadıyqova moñnarı” säxifäse berençe urınnı yauladı. Diplom häm büläk Sara Sadıyqovanıñ qızı Älfiä Aydarskayağa tapşırıldı. Ul büläkne alğaç ul bolay dide:
“Zur ğorurlıq toyam. Räxmät Änkäygä böten dönyağa tanıluına. Häm bik zur räxmät mäskäwlelärgä.”
Häm Älfiä Aydarskaya Azatlıq xäbärçesenä säxifäne yasawçı Mäskäwdä yäşäwçe Ğayar İskändärov buluın belderde.
Mälikä Basıyr
