Mäskäw milli mädäni üzäge qarşındağı “Şatlıq” törkeme Qazannan, Sara Sadıykova festivalennän 3 urınnı ayulap qayttı. Ä inde “Şatlıq” törkeme solistkası Ğolnara Şakirova berençe urınğa layıq bulğan. Bu xaqta törkem citäkçese Zämzämiä Säxäbetdinova xalıq aldında şatlığı belän urtaqlaştı. Häm alar bu uñışların mädäni üzäktä dä qabatladılar.5 nçe noyäberdä milli üzäkkä xalıq Sara Sadıykovanıñ tuğan könenä bağışlanğan çarağa cıyılğan ide. Milli üzäktä yış bulmıy torğan, şığrım tulı xalıq aldında çığış yasağan Mäskäw üzeşçännäre häm tanılğan cırçılar barı tik Sara Sadıykova cırların ğına başqardılar, anıñ icatı turında ğına söylände dä. Bu çarağa mäskäwlelär genä tügel Mäskäw ölkäsennän dä baytaq qına millättäşlärebez kilgän ide. Ä inde Mäskäw ölkäsendä xezmät itüçe tatar möselman soldatları belän tığız elemtädä torğan Xämdiä xanım Ramayıwa baytaq qına soldatlarnı da alıp kilgän bu oçraşuğa. Alarnıñ da äti äniläre tıñlap üskän cırlarnı işetäseläre kilde, dide Xädiä xanım.
Näzifä Kärimova, Mäskäw
