Qazannıñ milli mädäni üzägenä 24 noyäberdä 15 yıl tuldı. Bu milli mädäni üzäkne bik küp yünäleştä häm zamança eşläwçe ruxi- mäğrifätçelekne häm milli ağartu eşlären alıp baruçı üzäklärneñ berse, dip äytergä bula. Şuşı yıl 15 yıl eçendä bu üzäk törki xalqınıñ milli mirasın saqlawda häm törki xalıqlarnıñ tarixın keşelek dönyasına tanıtuda bik küp Yevropa illäre belän dä bäyläneşkä kerde.
Yubiley uñayınnan milli -mädäni üzäktä törle çaralar ütkärelde. ekskursiä programmaları oyıştırılğan ide. Alar arasında milli mädäni üzäkneñ fondınnan tözelgän 80 räsemnän torğan Zur kürgäzmä dä bar.
Comğa könne Qazannıñ Milli mädäni üzägendä yubileyğa bağışlanğan press- konferensiä dä uzdırıldı.
Bu oçraşuda üzäkneñ direktorı Rinat Zakirov Qazan milli mädäni üzäge xezmätkärläreneñ eşçänlege turında söyläde.Alar Tatarstandağı törle icadi berekmälär, Rusiä buylap taralğan tatarlar küpläp yäşägän töbäklär belän, Berläşkän ğäräp ämirlegendä , BDB illäre belän häm YUNECKOnıñ ştab kvartirasında häm törle çit illärdä, mäsälän İtaliädä , Fransiädä Vengriädä kürgäzmälär ütkärüdän ğibärät. Şulay uq Rinat Zakirov äytüençä, 15 yıl eçendä alıp barğan eşçänlek nigezendä yözlärçä kürgäzmälär ütkärüneñ näticäse bulıp, üzäkkä büläk itelgän räsemnärdän alarnıñ fondı küpkä bayığan.
230 xezmätkäre bulğan bu üzäkneñ konsert häm kino zalı bar. Anıñ şulay uq, Qazan şähäreneñ icat kollektivların, Qazan däwlät “ La Primavera” kamera orkestrın, “Qazan“ biyü ansamblen, “Qazan nurı“ xalıq uyın qoralları orkestrın üz eçenä alğan, filarmoniäse bar. Alar Qazan da ğına tügel respublikanıñ törle töbäklärendä dä xezmät kürsätä, dide üzäkneñ direktorı Rinat Zakirov.
Şulay uq press-konferensiädä üzäkneñ başqa xezmätkärläre dä qatnaştı.
Çığışlardan bilgele buluınça, Milli mädäni üzäkneñ simvolı bulıp “Xörriät”ne taswirlagan altın qoş häykäle tora. Bu qoşnıñ qanatı astında 2 zur muzey kompleksı eşli. 35000 meñ danä eksponatnı eçenä cıyğan bu muzeylarnıñ berse- Milli mädäniät muzeyı , ä ikençese, Qazannıñ 1000 yıllığına bağışlap tözelgän.
Muzeyda törle zallar arasında “Qazan xannarınıñ täxet zalı” digäne dä bar. Tulıraq itep muzey turında anıñ ölkän fänni xezmätkäre ädäbiät bülege mödire İndüsä Mingazova söyläde.
Milli mädäni üzägeneñ tatar ädäbiäte bülege muzey eşçänlege belän genä çiklänmi, ul törle çaralar alıp bara. Kürgäzmälär açu belän berrättän alar yazuçılarnıñ yubileylarına da iğtibar itälär Alarnıñ icatlarına bağışlanğan törle kiçälär ütkärelä. Soñğı yıllarda nindi kiçälär ütkärelüe turında milli mädäniät üzägeneñ tatar ädäbiäte bülege ölkän fänni xezmätkäre Rämziä Xaliullina äytüençä, muzey fondlarında tatar tarixçı ğalimnäreneñ arxivları saqlana ikän . Mäsälän, kiläse yılda, Ğäli Räximgä- 115 yıl, Ğäziz Göbäydullinğa 120 tulu uñayınnan alarğa bağışlanğan kiçä häm kürgäzmä oyıştırırğa uylap toruları turında belderde ul.
Şulay uq 24 könne Qazan milli- mädäni üzägeneñ kürgäzmälär zalında fänni-praktik konferensiä ütte. Anıñ teması: “Milli kul'tura üseşendä häm ictimaği añ formalaştıruda Qazan milli mädäniät üzägeneñ role”. Konferensiäneñ çığış yasawçı tarixçılar Damir İsxakov, Fayaz Xucin, Marsel' Äxmätcanov, Güzäl Waleeva- Suleymanova, Bulat Sultanbäkov, yazuçı Rabit Batulla, kitapxanäçe Cäwdät Miñnullin, arxiv xezmätkärlärennän Lyudmila Kuznetsova, häm başqalar. Programmada 14 çığış tıñlandı. Çığışlar arasında tatar xalqınıñ eşlägän eşläre turında Rafael' Möxämätdinovnıñ “Borınğı törki babalarıbıznıñ dönyağa qaraş sisteması” turındağı çorınnan alıp, Rinat Zakirovnıñ 1900-2005 yıllarnı eçenä alğan çığışlar bar ide.
Mälikä Basıyr
