Arçada oyıştırılğan tatar tele häm ädäbiätı uqıtuçıları seminarına Ätnä, Baltaç, Quqmara, Saba, Teläçe, Biektaw häm başqa yaqın tirädäge rayonnardan tatar tele häm ädäbiätı uqıtuçılar kilgän ide. Älege seminarnı berniçä zonada oyıştıru isä kübräk uqıtuçılarnı cälep itü maqsatınnan bulğan. Şulay uq anda Ministrlar Kabinetı, Tatarstan Mäğärif häm fän ministrlığı, Qazan däwlät universitetı, kongress wäkilläre qatnaştı.
Seminarnıñ maqsatı isä tatar tele häm ädäbiätı uqıtuçıların zamança internet texnologiälären qullanuğa öndäw, moña öyrätü ide. Çönki bügenge köndä tatar tele häm ädäbiätın uqıtuda yaña zamança alımnarnı qullanu sülpän bara, İnternet çeltärendä küp kenä säxifälär barlıqqa kilä, şul isäptän uqıtuçılar öçen dä. Ämma küp oçraqta rayon-awıllardağı uqıtuçılar annan qullanmıy. Tatarstan citäkçelege belderüençä, xäzer här mäktäptä inde komp'yuter bar häm internetqa kerü mömkinlege buldırılğan. Qısqası şartlar tudırılğan. Xäzer isä uqıtuçılarnı bu eşkä niçek tä tartırğa kiräk. Küptän tügel Tatarstan mäğärif häm fän ministrlığınıñ portalı da buldırılğan. Anda tatar telendä dä programmalar quyıla. Läkin qullanuçı möğallimnär genä siräk. Bu xaqta Ministrlar Kabinetınnan milli mädäniät häm tellär üseşe bülege belgeçe Firaya Şäyxieva
Uqıtuçılarnıñ açıp qaraw mömkinlege bulsa da alar säxifälärne qaramıylar. Bügen interaktiv texnologiälärne niçek qullanıp bula şul täqdim itelde. Şulay uq audioresurslarnı, qullanma materiallarnı qullanu turında süz buldı.
Firaya Şäyxiewa äytüençä, bügenge köndä barı 4 protsent tatar tele häm ädäbiätı uqıtuçısı yuğarı kategoriägä iä. Bu bälki zamança taläplärgä turı kiterep eşlämäw belän bäyleder dielgän seminarda. Barlığı 9 rayonnan qatnaşqan uqıtuçılar web-resurlar, säxifälär, portallar, interaktiv taqtalar belän şaqtıy qızıqsınuların beldergännär. Sorawlar da birelgän. Firaya Şäyxieva
Ber soraw birelde: ni öçen härber kitapnıñ qısqaça eçtälege rusça çığarıla, ä tatarça yuq dip. Menä bu portallarda uqıtuçılar ul konspektlarnı quya alalar, üzläreneñ materialların başqalar qullansın öçen elä alalar.
Ministrlar Kabinetı xezmätkäre Firaya Şäyxieva tatar tele uqıtuçılar üzläre dä aktivraq bulsın ide digän teläk belderä. Çönki bügen Xökümät tarafınnan barlıq şartlar da buldırılğan. Qalğanı inde uqıtuçılarnıñ üzlärennän tora.
Landış Xarrasova
