Berniçä yıl elek tatar kongressı respublikadan çittä yäşäwçe millättäş eşmäkärlär, säwdägär belän elemtälär buldırıp bu yunäleştä eş başlağan ide. Xäzer bu Tatarstan Xökümäte tarafınnan da yaqlaw taptı. Dönyanıñ törle cirlärendä respublikanıñ 20 säwdä wäkillekläre, 42 Tatarstan-säwdä yortları eşli. “Tatarstannıñ eşlekle xezmättäşläre” Forumında Säwdä häm tışqı iqtisadıy xezmättäşlek ministrı Xafiz Salixov bäynä-bäynä sannar kiterep eçtälekle çığış yasadı. Xafiz Salixov
“Tatarstan-säwdä yortları” tarafınnan 3 milliard sum aqça eşlände. Kötelgän farazlar kübräk ide, çönki bezneñ mömkinleklär zurraq.
Xafiz Salixov ayıruça uñışlı eşlägän töbäklärne atap uzdı, törle ölkälärgä yasalğan Xökümätära säfärlärne häm ikeyaklı xezmättäşlek barışında andağı tatarlarnıñ qatnaşuın äytte. Ämma kiläçäktä çit illärdä häm Rusiä töbäklärendä eşçänlekneñ yaña yunäleşlären buldırırğa kiräklegen assızıqladı. Moña Tatarstan Premyer-ministrı Röstäm Miñnexanov
Bezgä yaşçik-yaşçik araqı satuçılar kiräkmi, sez bezneñ iqtisat belän üz töbäkläregezdäge zur eşmäkärlärne tanıştırığız, alar belän elemtälär urnaştırığız. Şulay uq yaña proyektlar täqdim itegez.
Röstäm Miñnexanov älegä bezneñ eşçänlekne yuğarı bäyäläp bulmıy dip belderde. Ul burıçlar tögäl bilgelänergä tieşlegen bäynä-bäynä äytte. Çönki Forum 6 yıl oyıştırılıp äle tögäl qayda küpme-närsä satılğanı turında mäğlümat yuq. Analiz yasalmağan.
Bötendönya tatar kongressı Başqarma komitetı räise Rinat Zakirov qayber töbäklärdä iqtisat eşläre şaqtıy uñışlı barsa da, milli eşlärgä yärdäm itmilär dip äytte. Rinat Zakirov
Elek-elektän bulğan aq baylar häm qara baylar. Millättäşlärebezgä yärdäm itüçelärne aq baylar dip yörtkännär.
Rinat Zakirov qayber eşmäkärlär Sabantuy uzdırıp tabış kötälär dip belderde. Forumda çittän kilgän millättäşlär dä çığış yasadı. Magnitorski eşmäkäre Räşit Latıypov
Magnitogorski kombinatı birgän binanı arendağa alıp remontlap möselman ictimaği kitapxanäse yasadıq. Anda zamança barlıq cihazlar bar. Buşlay barısı da. Monnan tış tatar-möselman kafeları eşli. Şulay uq ictimaği möselman Şurası buldırdıq. Anda törle eşmäkärlär kerä. Bez törle mädräsälärgä aqça büläbez. Kurgandağı Safaqül awılında tözelüçe mädräsäne, Magnitogorski, Çiläbedäge mädräsälärne finanslıybız.
Räşit Latıypov Başqortstan üzläreneñ milli-mädäni üzäklärenä kübräk yärdäm itä dip belderde. Ämma alar da eşneñ yaña yunäleşlären buldırğannar. Räşit Latıypov
Çiläbe buyınça köttek dä berni bulmağaç Eşlekle tatarlar klubın buldırdıq. Xäzer bergäläp eşlibez.
Räşit Latıypovtan tış forudmda Omskidan “Yelisey” oyışması citäkçese Alimbay Talimbaev, Mäskäwdän “Papirus” oyışması başlığı İl'yaz Möslimov çığış yasadılar.
Söyläşü barışında qayber millättäşlär Tatarstan şirqat'läre iqtisadıy elemtägä barmıy bip zarlandılar. Şul säbäple, Tatarstanda citeşterelä torğan tägärmäç, Kamaz maşinası cihazların başqa töbäklärdän satıp alırğa mäcbür buluların äyttelär. Monnan tış Tatarstan bankları belän eşläw, kredit alu xaqında süzlär buldı. Kiläçäktä Tatarstannıñ eşlekle xezmättäşläre belän elemtälärne tağın da cayğa salu öçen Röstäm Miñnexanov Grantlar bulaçağın äytte.
Landış Xarrasova
