Rusiäneñ Dönya Säwdä Oyışmasına (DSO) kerü Tatarstan öçen uñışlı bulaçaqmı, ällä kiresençä zıyan kiteräçäkme äle bilgesez. Döresen genä äytkändä ğadi xalıqnı bu az borçıy. Küplär äle anıñ mäğnäsen dä añlap betermägändä, yuğarı dairälärdä inde moña nıqlap äzerlek bara. Tatarstannıñ iqtisad häm sänäğät ministrlığı şulay uq respublikanıñ säwdä häm tışqı iqtisadıy xezmättäşlek ministrlığı bu mäs''älädä üzlären borçığan sorawlarnı Mäskäwgä cibärä başladılar. Bu sorawlar Mäskäwdä uza torğan internet-konferensiälär barışında qarala. Anı isä böten töbäklär dä küzätä ala häm şulay uq alarnıñ da sorawlar birü mömkinlege bar. Rusiäneñ Dönya Säwdä Oyışmasına kerü barışında Qazannıñ bu eştä qatnaşuı turında Tatarstan Säwdä häm tışqı iqtisadıy xezmättäşlek ministrınıñ urınbasarı Rinat Urazaev:
Tatarstan Rossiäneñ Dönya Säwdä Oyışmasına kerüdä aktiv qatnaşa. İke zur konferensiä, Tatarstan şirqat''läre öçen seminarlar uzdı. Xäzer eşçe törkem tözelä bu ölkädä.
Dönya Säwdä Oyışmasına kerü nisbätennän Tatarstannıñ role zur. Bez inde berniçä Xalıqara kiñäşmä, şirqat''lär öçen seminarlar uzdırdıq. xäzer eşçe törkem tözelä. Bezneñ berniçä awırtqan cirebez bar, ayırım alğanda bezne awıl xucalığı ölkäse, maşina häm aviatözeleş sänäğäte mäs’äläse borçıy.
Rinat Urazaev äytüençä Dönya Säwdä Oyışmasına kerügä äzerlek uñayınnan xäzer Tatarstanda Prezident quşuı buyınça eşçe törkem tözelä. Ul yaqın tirädä oyışır dip kötelä häm anda iqtisad ölkäsendä eşläwçe citäkçelär, şirqat başlıqları keräçäk. Şulay uq Rusiädä, çit illärdä uqıtıp törle belgeçlär äzerläw tora. Alar isä Tatarstan şirkätlären Dönya Säwdä Oyışmasına kerügä äzerläyaçäk. Älege oyışmağa kerü Tatarstan şirqat''läre öçen zıyanğa bulmayaçaqmı digän sorawğa Rinat Urazaev:
Zıyanlıq ta qıyınlıq ta bulaçaq. Ämma bezgä bit waqıt birelä berniçä yıl däwamında. Mäsälän maşina tözeleşe ölkäsendä bez äkrenläp keräçäkbez
Tatarstan säwdä häm tışqı iqtisadıy ministrı urınbasarı Rinat Urazaev belderüençä, öre, yäğni “Tatneft''”, “Tübänkamaneftixim” kebek şirqat''lär säwdä oyışmasına kergändä awırlıq kiçermiäçäk. Ä menä keçkenäräklärne äzerläw zarur, çönki alar köndäşlekkä sälätle bulmawları bar.
Landış Xarrasova
