Yäkşämbe kön buluğa qaramastan, Piträçtä zur çaralar uzdı. 60нчы yıllar başında tözelgän ike qatlı Koşçak mädäniät yortında tiz arada remont yasalıp betep ul tantanalı töstä açıldı. Älege çarada Tatarstannıñ Premyer-ministrı urınbasarı – mädäniät ministrı Zilä Wälieva qatnaştı. Şulay uq älege tözekländerelgän binada Piträç rayonı Şurasınıñ çirattağı utırışı da uzdı. Anda Ädäbiät häm sänğat yılı uñayınnan başqarılğan xezmätlärgä näticä yasaldı. Piträçneñ mädäniät bülege citäkçese Ruşaniä Säwbänova
Rayonda 130 çara uzdı. Şuşı isäptän material' baza da nığıdı- bıyıl 4 mädäniät yortı remontladıq.Ruşaniä Säwbänova sessiädä qaralğan kiläse yılda bulaçaq yañalıqlarğa da tuqtaldı. Ruşaniä Säwbänova
Sessiädä qaraldı, 2007 yılnıñ 1 ğinwardan böten wäqälätlär rayon munitsipal' bülegeneñ mädäniät bülegenä küçerelä. Anda kitapxanä, muzeyğa aqçalar barısı da bezneñ arqılı bula.
Piträçneñ mädäniät bülege citäkçese Ruşaniä Säwbänova äytüençä, Koşçakta mädäniät yortın remontlatuğa 8 million tiräse respublikası qaznası aqçası totılğan.
Möslimdä isä şulay uq bıyıl küp çaralar oyıştırılğan. Mädäniät bülege citäkçese İlsur Yalalov
Bıyıl küp kenä yaqtaşıbız bulğan mädäniät häm sänğät keşeläreneñ yubileyların uzdırdıq. Alarnıñ qayberläre Qazanda, qayberläre üzebezdä uzdı. Bıyıl tağın “Möslim tuğayları” ansamble Bötenrusiä bäygesendä uñışlı çığış yasap qayttı.
Möslim mädäniät bülege citäkçese İlsur Yalalov äytüençä, biredä respublika külämendä ciñgän mädäniät yortların, bilgele şäxeslärne qotlaw bulğan.
Piträçtäge kebek Möslimdä yaña üzgäreşlärne kötep yäşilär ikän. Barlıq aqçalar da rayon mädäniät bülege aşa uza başlağaç, eşlär alğa kitäçäk digän ömettä yäşi alar.
Landış Xarrasova
