Möselman modası kiçäsendä milli kostyumnar, yäğni qalfaqlı-qamzullı kiemnärdän tış, möslimälärgä köndälekkä kiärgä, törle bäyrämnärgä, eşkä, nikaxqa digän kiemnär täqdim itelde. Barlığı 40ка yaqın kästümnärneñ, “Ebivol'”, “Lotos”, “Sestrı, yäğni apalar”, atel'yelarında tegelgän, şulay uq qayberläre Misırdan häm Törkiädä alıp qaytılğan. Alarnı Qazandağı yuğarı uqu yortları studentları üz öslärendä kürsätte. Anda qatnaşqan Qazan däwlät universitetında belem aluçı möslimä Sömbel Wäliullina:
Bügen täqdim itelgän kiemnärneñ kübese äle İslam dinen yaña qabul itkännär öçen, çönki alar äle tulısı belän yabılıp betärgä, yaulıqnı aldan bäylärgä oyalalar. Tuy külmäkläre isä uñaysız, ämma matur
Sömbel Wäliullina äytüençä täqdim itelgän kiemnär barısın da “Käräwan” säwdä kompleksındağı “Leyli” kibetendä satıla. Anıñ xucabikäse Läylä Äxmäri kiläçäktä bu eşne cäyelderergä uylıy häm Qazandağı citeşterüçelär ber-ike külmäk kenä tügel, ä törledän-törle küpläp kiemnär teksennär ide di. Şulay uq ul Qazanda da möslimälär öçen kibetlär kübräk bulırğa tieş dip belderä. Läylä Äxmäri:
Aña qarap möselmannarğa bäya birälär. Ul ürnäk bulırğa tieş
Läylä xanım Äxmäri äytüençä, kiemnärneñ bäyäläre möslimä studentlarnıñ kesäsenä suqmasqa tieş. Çönki bügen çit ildän, ayırım alğanda Törkiä, Misırdan alıp qaytılğan kiemnärneñ bäyäläre şaqtıy qimmät, şul säbäple qızlarnıñ küpçelege tösläre turı kilmägän, asılınğan kiemnär kiep küplärdä İslam dinenä qarata näfrät uyata.
Landış Xarrasova
