-Tatar xalqın tanırğa telämäwläre dip äytergä mömkin bulamı soñ inde bu äyberne. Alar üzläreneñ iskärmälären äytep , ul äyberne qabul itärgä tieş bulğannardır. Dimäk, beznekelärgä nığıraq eşlärgä kiräk. Tatarnı tanıtırğa kiräk. Döresräk itep alarğa añlayışlıraq itep, üzebezeneñ äytäse kilgän fikerlärne açığraq itep äytergä kiräk. Tuqtap qalmasqa, alğa taba barırğa kiräk.
- Bik naçar. Anda bik zur rol'ne uynadı Altınbaev. “Время и деньги” gazetasın uqıdım, yazalar bit anda. Bügen Alaev yazğan. Altınbaev Federatsiä Şurasında bit inde, ul Tatarstanğa qarşı bik qatı äytkän. Alay kiräkmi ide. Yaqtı yul älegä kürenmi.
- Anıñ töp mäğnäsenä töşenergä kiräk bit äle. Bezgä äle anı yaxşılap añlatuçı da yuq.
- Şartnamä ütär dip ışanğan idem , älbättä. Läkin zur ömetlär bağlap tormağan idem. Rossiäneñ Tatarstanğa nindi mönäsäbättä torğanın beläbez inde xäzer. Tatarstan könnän- kön suverenlığın yuğalta bara. Şuña kürä bik ğäcäplänmim dä bu küreneşkä.
- Şartnamä, minemçä tormışqa aşırğa tieş närsä, ömet bar.
- Bolay tel yuğaluğa taba bar bit.
Minem uylawımça, ike yaqtan da qarşılıqlar beterelep, barıber ber fikergä kilep, kileşü tözeler, dip uylıym.
- Putin belän Şäymievneñ arasındağı mönäsäbätlär yaxşı dip uylap kildem. Häm xäzer dä şulay dip uylıym. Ämma anda bit Mironov bik qarşı tora. Anda 93 senator qarşı kilgän. Anda 13 keşe Tatarstan yaqlı, 15 keşe qul kütärmägännär. Bigräk tä Ramzan Kadıyrov änä, Çeçnädän , öçençe könne gäzitkä yazğan ide, närsägä kiräk ul Şartnamä dip, Şartnamä bezgä dä kiräkmi digän bulıp. Tatar xalqı bu ildä ikençe urın alıp tora. Şäymiev kemgä kilep terälsen ul xäzer?
Mälikä Basıyr
