Tatarstan däwlät cır häm biü ansamblennän tış, xäzer “Qazan” biü ansamble uñışlarğa ireşep bara, digän ide Prezident Mintimer Şäymiev. Anıñ bu süzlären “Käyef niçek” gazetası soñğı sannarınıñ bersendä bastırıp çığardı. “Qazan” biü ansambleneñ sänğät citäkçese Çulpan Zakirova da, baş baletmeyster Fänis İsmägıylev tä bez Cır-biyu ansamble belän köndäşlär tügel, yünäleşlärebez başqa, dilär. Alar äytüençä, ber-berseneñ çığışların qarıylar, yañalıqları belän tanışıp toralar. Çulpan Zakirova “Qazan” biü ansamble dönya xalıqları iyüllären kübebräk bii häm bieyäçäk, disä baş baletmeyster alğa taba milli eçtäşlektägeläre dä quyılaçaq, dide.Zäñgär şäl, Sabantuy, Tatarça val's… tatar iyülläre kübebräk kiräk.
“Qazan” biü ansamble üzeneñ 10 yıllığı uñayınnan tamaşaçığa Tönyaq xalıqları biüen häm yähüd biüen täqdim itte. Bügenge köndä törkemdä “Bayqal” ansamblendä biegän qız eşli. Anıñ tırışlığı belän çukotka eskimosları sänğäte säxnägä quyıldı, di tönyaq xalıqları biüe turında Çulpan Zakirova.
Menä şunsı belän qızıq. Böten iyüllärne törle qullar quya, di citäkçe. Anıñ äytüençä, iyüllär ber-bersenä oşamağan, şunsı belän qızıq ta. Misal öçen, 30 könne bulğan tamaşa “Qazannıñ 7 qapqası” dip atalğan küreneş belän başlanıp kitte. Älbättä, qılıç kütärep biegän tatar qızları tamaşaçıda ber törle genä tä'sir tudırmadı. Bu iyünneñ oçqınnar çäçräp çıqqan qılıçlar belän suğışqan öleşen quyu öçen dağstannan maxsus qılıç biüe belgeçe çaqırğannar. Ğomumän, bu iyünne 3 keşe säxnägä quyğan. Çulpan Zakirova äytüençä, bu küreneş böten xalıq ayuğa kütärelgän cıyılma obraz. Bilärne saqlaw öçen 11 qıznıñ qulına qoral totuı turında riwayätlär dä bar bit. Ä inde annan soñ säxnädä bielgän “Tatar bayları” biüe isä, bu obraznı böten tulılığı belän açarğa tırıştıq, di sänğät citäkçese.
İlnar Xsäenovnıñ “Qazan” biü ansamblendä bii başlağanına 4 yıl tula inde. Bigräk tä ul “Rus xalıq” biüen, xoxloma bizäklären yaratıp başqara ikän. Min üzemneñ tormışımnı bu ansambl'dän başqa hiç kenä dä, küz aldına kiterä almıym, di ul.
“Qazan” biu ansamble belän säxnägä çıqqanda sin üzeñneñ böten talantıñnı, xisläreñne tamaşaçılarğa citkeräseñ. Alarnıñ alqışları bezneñ ansambl'gä niçekter yäşärgä rux birä. Tamaşaçılarğa kilgändä isä, äñgämä qorğan härkem dä küñellärenä xuş kilgänlegen belderde.
-Berençe tapqır kildem. Bik yaxşı. Xatınım urıs millätennän. Min anı üzebezneñ yaqqa tartırğa tırışam. -Mı iz Moskvı. Uwideli afişı i reşili zaytti. Nam ponrawilis tansı. Oçen' effektnı, oçen' emotsianal'nı i duşoy proniklis'.
Milli biüdä yañalıq kertergä tırışıp 10 yıl buyı eşlägän “Qazan” biü ansamblenä Däwlät iseme birü kön tärtibenä quyılğan inde. Mädäniät ministrlığı bu mäs’äläne xäl itü östendä eş başlağan.
Nail Alan
