alsu qormaş

İstanbulda Yevropadan Aziägä: Yevropa Berlege turında fikerlär

Tähranda Holokost turında qarşılıqlı söyläşülär

Ikençe dönya suğışında yähüdlärne küpläp üterü bulğanmı-yuqmı? Bügen İran başqalasında açılğan cıyın Holokostnı şik astına quya. Elek tä İranda, nazilarnıñ suğış waqıtında 6 millionğa yaqın yähüdne yuq itüe – uydırma, digän çığışlar yañğrağan ide. AQŞ, Germaniä xökümätläre, şulay uq qayber yähüd törkemnäre cıyınnı täñqitläp çıqtı.

Xatın-qızlar: fiker belderü ireklege häm integrasiä

Niderland xökümäte möselman xatın-qızlarnıñ cämäğätçelek urınnarında baştan ayaqqa qadär törenep yörülären tıyğan qanun äzerli. Germaniä deputatları uqıtuçı bulırğa telägän xatın-qızlarğa möselman kiemnärennän baş tartırğa çaqırdı. Britaniädä, elekke tışqı eşlär ministrı Jack Straw, möselman xatınnarınıñ xicap kiüläre – keşelär arasında zur upqın tudıra dip belderde. Aralaşqan yaqlar ber berseneñ yözlären kürergä tieş, digän ide Straw. Möselman xatın-qızları kieme tiräsendä küptän inde mondıy bäxäslärneñ çıqqanı yuq ide. Kiem mäsäläse Yevropa illärendä säyäsi tösmer aldı. Dikaber ayında Azatlıq dulqınnarında sezne möselman xatın-qızları, kienü ğöref-ğadätläre turında 4 tapşıru kötä. Här atnanıñ sişämbe könendä sezneñ iğtibarğa şulay uq din belgeçläre fikerlären dä täqdim itärbez.

Rim Papası häm Pravoslav Patriarxı ike çirkäwne yaqınayta

Rim Papası Benedikt XVI Törkiägä säfäreneñ öçençe könendä pravoslav patriarxı Bartolomey belän bergä doğa qıldı. İstanbulda Izge Georgiy çirkäwendä, ber meñ yıl ber bersennän yıraq torğan ike çirkäw arasında qarşılıqlarnı yomşartu tırışlığı yasaldı.

Rim Papası Benedikt XVI Törkiäneñ Yevropa Berlegenä kerüen teläde

Bügen Rim papası Benedikt XVInıñ Törkiägä säfäreneñ ikençe köne ide. Sişämbe könne katolik ruxanie möselmannar belän söyläşkän bulsa, bügen ul üz iğtibarın Törkiäneñ xristian azçılığına yünältte.

Rim Papası Benedikt XVI Änkarada

Törkiäneñ üzendä häm möselman dönyasında Rim Papasınıñ İslam turında äytkän qarşılıqlı süzläre äle dä xäterdä. Ämma Törkiäneñ katolik ruxanienä tağın ber däğwası bar – Rim papası Änkaranıñ Yevropa Berlegenä kerüenä qarşı buluın beldergän ide. Aldan bik küp qarşılıqlar tudırğan Benedikt XVInıñ Törkiägä säfäre bügen başlandı.

Törek yäşläre Rim Papasına mömkinlek birergä çaqıra

Rim papası Benedikt XVnıñ sişämbe könne Törkiägä başlanaçaq säfäre tiräsendä farazlar häm kierenkelek arta bara. Yäşlär bu şäxeskä häm anıñ säfärenä nindi qaraşta tora?

Paqtsanda xatın-qızlar xoquqların yaqlağan yaña qanun qabul itelde

Keşe xoquqları komissiäse mäğlümatlärenä qarağanda, Paqstanda ike säğät sayın ber xatın-qız köçlänä. Bu xanımnar üzlären mısqıl itüçelärne mäxkämägä birä almıy ide. Berniçä tapqır kiçekterelgännän soñ, nihäyät, çärşämbe könne Paqtsan parlamentınıñ tübän palatası – köçläw eşlären mäxkämädä qaraw turında qanunnı qabul itte. Ul ğämälgä kersen öçen anıñ Senatta raslanuı häm prezident Pärwäz Möşärräftän imzalanuı kiräk.

Söğüd Ğäräpstan çiklären nığıta: $12 milliardlıq tözeleş

Söğüd Ğäräpstan kiläse yılda Ğiraq çige buyında yuğarı texnologiälär belän cihazlandırılğan diwar tözeleşen başlarğa cıyına. Diwar milliardlağan dollarğa töşäçäk, tözeleş 6 yıl däwam iter dip kötelä. Mondıy çik buyınıñ maqsatı – Ğiraqtağı extremistlardan saqlanu.

Eşme, balamı? Latviä xatın-qızları üz yulın saylağan

Latviädä xakimiättä xatın-qızlar küp. BMO İminlek Şurası, 6 yıl elek qabul itelgän rezolüsiäneñ bik küp illärdä ütälmäwe turında çañ qaqqanda, Latviädä - prezident häm parlament spikerınnan başlap, ministrlar wazifalarına qadär xatın-qızlar üti. Mäğlüm 1325nçe sanlı rezolüsiädä iminlek häm tınıçlıq eşlärenä kübräk xatın-qızlarnı qatnaştıru täqdim itelgän.

"Mädäniätlär İttifağı" çişeleş täqdim itä

Bügen İstanbulda säyäsätçelär häm ruxanilär tarafınnan äzerlängän , könbatış häm möselman dönyası arasındağı qarşılıqlar turındağı xisap BMO general sekretare Kofi Annanğa tapşırıldı. Belgeçlär qarşılıqlarnı çişü yulların täqdim itte.

Könyaq Ossetiädä referendum uzdı

Gruziäneñ Könyaq Ossetiä respublikasında yäkşämbe könne bäysezlek turında referendum häm prezident saylawları ütä. Tawış birergä kilüçelärneñ küpçelege – bäysezlekne yaqlar häm prezident itep xäzerge citäkçe Eduard Kokoity''nı saylar dip farazlana. Xalıqara cämäğätçelek aldan uq, referendum näticälären tanımayaçağın belderde, ämma Könyaq Ossetiä citäkçelege, tanılu häm axırğı çiktä Rusiägä quşılu ömeten özmi.

Iran aradaşçısı Ali Laricani Rusiä prezidentı Vladimir Putin belän oçraştı

Irannıñ atom eşläre söyläşülärendäge baş aradaşçısı Ali Laricani bügen ikençe kön Mäskäwdä. Bügen anıñ Rusiä prezidentı Vladimir Putin belän oçraşqanı mäğlüm buldı, ämma bu xaqta äle tulıraq mäğlümat yuq. Comğa könne İran wäkile Rusiä tışqı eşlär ministrı Sergei Lavrov belän oçraştı häm, ägär dä İminlek Şurası İranğa çikläwlär quysa, Tährannıñ Berläşkän Millätlär Oyışmasınıñ atom idaräse belän xezmättäşlekne tuqtatu ixtimalı turında belderde.

İran zina qıluçılarnı taş atıp üterüdän baş tartmıy

Zina qılğan öçen cäza – taşlar atıp üterü. 2002nçe yılda İran, Yevropa Berlege basımı astında, mondıy cäzanı beterüe turında iğlan itkän bulsa da – xatın-qızlarnı taş atıp üterü oçraqları äle dä bar. Xoquq yaqlawçılar İran xakimiätläre häm parlamentqa bu cäzanı tuqtatırğa çaqırıp möräcäğät itte.

Irlandiägä eşkä? Ğäybät tügel – ğibrät ul!

Xalıqara xezmät oyışması dönyada yäşlär arasında eşsezlär sanı könnän kön arta, dip xäbär itä. Aziä häm Afrikada yäşlär öçen eş urınnarı bötenläy yuq. Dönyanıñ başqa qitğasında isä – Yevropanıñ İrlandiä digän ilendä – eşçe qullar citmi ikän. Azatlıqnıñ yulyazmasında bügen İrlandiägä yul totabız.

Säyäsätçelär Hillary Clintonnan cawap kötä

AQŞta kongress saylawlarına atnadan da azraq waqıt qalıp bara. Senatqa namzätlär arasında - dönyada da mäğlüm amerikan säyäsätçeläreneñ berse Hillary Clinton da bar. Anıñ senatqa qabat saylanaçağı şik tudırmıy. Alay da belgeçlär, Hillary''nıñ saylawaldı eşçänlegen iğtibar belän küzätä, çönki senator xanımnıñ 2008nçe yılda prezidentlıq yarışına çığuı ixtimal. Üze ul bu xaqta äle ber süz dä äytmäde, ämma anıñ tarafdarları häm köndäşläre bu xaqta fiker alışa.

İran zina qıluçılarnı taş atıp üterüdän baş tartmıy

Zina qılğan öçen cäza – taşlar atıp üterü. 2002nçe yılda İran, Yevropa Berlege basımı astında, mondıy cäzanı beterüe turında iğlan itkän bulsa da – xatın-qızlarnı taş atıp üterü oçraqları äle dä bar. Xoquq yaqlawçılar İran xakimiätläre häm parlamentqa bu cäzanı tuqtatırğa çaqırıp möräcäğät itte.

Rusiädä säğät sayın 5 keşe araqı belän ağulanıp ülä

Berniçä atna eçendä Rusiädä yalğan araqı eçep 100dän artıq keşe ülde. Meñnärçä keşe ağulanıp tabiplarğa möräcäğät itte. Küplär bu bälädä xökümätne ğäyepli. Bıyıl Rusiädä isertkeç eçemleklärne yañaça terkäw turında qanun qabul itelde.

Mäskäwdän Gruziä sportçısı quıldı

Gruziäneñ iñ tanılğan timerayaqta näfis şuuçısı Elene Gedevanişvili sport ğömereneñ küpçelek öleşen Rusiäle uqıtuçısı yanında Mäskäwdä ütkärgän. Ämma anıñ bu tormışına şuşı atnada säyäsät kilep kerep çik quydı.

"Bezneñ Ukraina" yaña säyäsi adım yasadı

"Bezneñ Ukraina" blogı xakimiättäge koalisiäneñ säyäsätenä qarşılıq yözennän üzeneñ ministrların xökümät eşennän aluın xäbär itte. 2004nçe yılğı äflisün inqilabınnan soñ tarqalğan xezmättäşlek – süz Yulia Tymoşenko blogı turında bara - yañadan kiräk bulır digän farazlar bar. "Bezneñ Ukraina" köçläreneñ bu adımı – prezident Viktor Yuçenko däräcäsenä dä tiskäre täsir itä ala.