bikä timerova

Nuri Al-Maliki AQŞ räsmiläre beldergän tänqitne kire qaqtı

“Yejek häm Çijek” teatrı suqbaylarğa normal tormışqa qaytırğa etärğeç birä

Praganıñ “Yejek häm Çijek” isemle yortsız, suqbay keşelär teatrı küptän tügel Götenıñ “Faust” äsären kiñ cämäğätçelekkä täqdim itte. Açıq hawada, taw başındağı allanıqta, teatr sänğäten söyuçe keşelär ciyıldı. Bu çaranı oyıştıruçılarnıñ berse - “Yejek häm Çijek” teatrı – sotsial häm mädäni proekt. Ul suqbaylarnı normal tormışqa qaytarırğa yärdäm itü häm cämğiätneñ şuşı yörtsız keşelärgä qaraşın üzgärtü maqstaların quya. Cirle matbuğat yazğança Pragada terkälgän 70läp teatr berläşmälere arasında yörtsız keşelär teatrı üz urının taptı inde. Awır yazmışqa duçar bulğan keşelärne normal tormışqa sänğät aşa qaytarıp bulamı?

Gruziä Kodor tarlawığına tikşerü törkemen cibärde

Russiä belän Gruziä arasındağı kierenkelek tağın üsep kitte. Gruziä ilgä Rusiä oçqıçınıñ kerüen belderde. Bu il wäkilläre beldergänçä, ber oçqıç bärep töşerelgän bulırğa mömkin. Maşina Rusiäneke bula ala, di gruziä wäkilläre. Mäskäw bu belderüläre nigezssez dide häm Gruziäne provokatsiä oyıştıruda ğäyepläde.

Qazağstan saylawları näticäse başqa Üzäk Aziä illärenä nindi yoğıntı yasar?

Qazağstanda 18 avgust saylawlarında ber genä firqä ciñep, parlamenttağı barlıq urınnarnı alğaç, il prezidentı Nazarbaev bu demokartiä häm pluralizmğa ber nindi zıyan kitermi dip belderde. Säyäsi küzätüçelär isä, bu saylawlar böten Üzäk Aziä däwlätlärenä tiskäre yoğıntı yasarğa mömkin, dip borçıla. Başqa il xakimiätläre dä oppozitsiäne xakimiättän çitläşterü öçen Qazağstan ısulın qullanırğa mömkin, dip sanıy belgeçlär.

Xoquq belgeçe Astaxovnı cawaplıqqa tartu tırışlıqları artında ni tora?

Rusiä televideniesendä mäxkämä säğete tapşıruın alıp baruçı häm bäysez xoquqçı Pavel Astachovqa ğäyepläw belderelergä mömkin. Astaxov millitsiäneñ cinäyätçelär belän yäşeren elemtädä torıp bergäläp eş itüe turında ädäbi äsär yazğan. Tärtip saqlawçılar, Astaxovnıñ äsäre tärtip saqlawçılarınıñ abruyın töşerä, dip belderä. Şul uq waqıtta, qayber bälgeçlär, bu eşne yazuçılarğa häm bäysez xoquqçılarğa qarşı alıp barılğan däwamlı kampaniä bulırğa mömkin di.

37 yılğı faciğäneñ 70 yıllığı: Xäzerge Rusiädä Stalin şäxesenä qaraş üzgärä

Rusiädä 37 yılğı repressiälärneñ 70 yıllığı bilgeläp ütelgän bu mäldä, ildä Stalin şäxesenä qaraş yomşara bara. Küptän tügel, prezident Putin çit illärne kisken tänqitläp çıqqan ide. Vladimir Putin, çit illär Rusiägä tarixındandağı qarañğı säxifälär öçen ğäyep taşlarğa tırışa, dip sanıy. Şunıñ belän bergä, mäktäplär öçen äzerlänep kilüçe tarix däresleklärendä Stalin uñay yaqtan sürätlänä. Bügenge tapşıruda iñ küläme repressiälärneñ 70 yıllığına bağışlanğan ikençe yazmabıznı sezneñ iğtibarğa täqdim itäbez.

"Neva express" qazasın Rusiäneñ Federal iminlek xezmäte tikşerä

Rusiä baş prokuraturası beldergänçä, şuşı qazanı oyıştıruda şiklänelgän keşelär inde bar. Tübän Novgorod ölkäsendä bulğan poezd qazasına bäyle räweştä Rusiä xoquq saqlawçıları terrorçılıq mätdäse nigezendä cinäyät eşen açtı. Düşämbe kiç Mäskäwdän Piterburğa barğan poezd qazasında 60lap keşe yaralandı. Prokuratura beldergänçä, timer yullarğa quldan yasalğan şartlaqıç salınğan bulğan, poezd ütkändä ul şartlatılğan

Kosovo mäsäläsen söyläşülär yulı belän xäl itär öçen soñğı mömkinlek qaldımı?

Kosovonıñ kiläçäge nindi bulır? BMOnıñ maxsus wäkile Martti Ahtisaari Kosovo kiläçäge turında planın täqdim itkändä, Kosovo möstäkillek alırğa ciyınğan ide. Rusiä bu planğa qarşı çıqtı, Serbiä anı kisken kire qaqtı. Kosovo mäsäläse hamanda da xäl itelmi tordı. Bu mäsälägä çişeleş tabır öçen bügen Belgradtta AQŞ, Yevopra Berlege häm Rusiä wäkilläre Serbiä citkäçelege belän oçraşa.

Gruziä xalıqara cämäğätlekne Rusiä ğämällären xökem itärgä çaqırdı

Gruziä prezidentı Mixail Saakaşvili xalıqara cämäğätçelekkä möräcäğät itep, Gruziäneñ hawa kiñleklärenä qanunsız ütep kerep, raketa taşlağan öçen Rusiäne xökem itärgä çaqırdı. Bu belderü Tiflis belän Mäskäw arasındağı bolay da kierenke bulğan mönäsäbätlärne tağı da naçarlatıp cibärde. Mäskäw nindi bulsa höcüm yasawın kire qağa. Quşma Ştatlar häm Yevropada iminlek häm xezmättäşlek oyışması ike yaqnı da tınıçlıq saqlarğa çaqırdı

İran prezidentınıñ xakimiättä buluına 2 yıl tuldı. Anıñ säyäsi kiläçäge nindi?

Şuşı arada Iran prezidentı Mäxmüd Äxmädinecadnıñ xakimiättä buluyına ike yıl tuldı. Xakimiätkä kilgännän birle ul küp sanlı yañğırawıqlı belderülär yasawı belän iskä qaldı. Bu anıñ şäxesen xalıqara säxnädä küzzallarğa mömkinlek birde. Şuşı belderülär Äxmädinecadqa İranda üzendä dä küpmeder säyäsi köç östäde. Läkin bolar ale, Äxmädinecadqa yañadan prezident itep saylanunuğa yäki anıñ tarafdarlarınıñ kiläse yıl parlament saylawlarında küpçelek urın yawlap ala aluyına ometlänergä nigez birmi

Libiädäge Bolğarstan meditsina xezmätkärläre öylärenä qayttı

8 yıl törmälärdä utırğannan soñ, bügen 5 bolğar şäfqät tutaşı häm ber fälästinle tabib Tripolidan Sofiägä qayttı. Alar Sofiä hawa maydanına Fransiä prezidentınıñ oçqıçı belän kilep töşte. Bolğarstan Prezidentı Georgi Parvanov Libiä balalarına HİV yäğni VİÇ yoqtıruda ğäyeplängän şuşı meditisina xezmätkälären yarlıqaw qararın çığardı.

Möxitne saqlawçılar fikerençä Angarskiy höcüme artında Rosatom tora

Bu yal könnärendä Angarskiyda, cirle ximik qorılmada atom-töş qaldıqları eşkärtelünä qarşılıq belderüçe möhit saqlawçılar lagerına höcüm buldı. Anıñ näticäsendä 20 yäşlek İlya Borodaenko hälaq buldı, tağın ber niçä yäş keşe yaralandı. “Ximik iminlek öçen” digän ictimaği oyışma bu höcümdä ekstremist xäräkätlärne häm Rusiäneñ rusiä atom ağentlığın ğayepli.

Distälägän meñ yäşlärneñ säyäsi çaralarda qatnaşuın niçek añlatıp bula?

Bu könnärdä Rusiäneñ Kreml yaqlı “Naşi” xäräkäte Seliger küle yanında zur forumnarın ütkärä. Anda Rusiä xakimiätläre tarafınnan yaqlanıp kilgän “Rossia molodaya” xäräkäte häm İctimaği pulat wäkilläre dä çaqırılğan. Naşi forumında, Rusiäneñ 50äp töbägennän berniçä meñ yäş keşe qatnaşa. 2 atnalap alar kül buyında yal itä, oçraşuların uzdıra. Şul uq waqıtta sotisiologik tikşerülär ütkärüçe ğalimnär, yäşlär xäräkätlären oyränüçe belgeçlär dä, küpçelek yäşlärneñ säysät belän ällä ni qızıqsınmawın bigeläp ütä. Külämle uram ciyınnarında, säyäsi firqäläreneñ yäşlär qanatlarında distälägän meñ yäş keşeneñ qatnaşuın niçek añlatıp bula?

Belgeç fikere: Könbatış üzeneñ qimmätlären onıtmasqa tieş

Mäskäw belän London arasındağı canzal, Rusiä belän Könbatış arasında bulğan zur ayırımlıqlar barlığın da kürsätte. Bu xäl demokratiä, keşe xoquqları häm xoquqi däwlät mäsäläsenä bulğan qaraşlarnıñ törlelegen dä kürsätte. Qayber küzätüçelär, bu ayırımlıqlarnı tabiği xäl dip atasa, başqalar, mäsälän “Financial Times” gäzite öçen yazuçı belgeç Philip Stephens, Rusiä belän mönäsäbätlärne qorğanda Könbatış üz qıymätlären dä nıqlap torıp yaqlarğa tieş, dip belderä.

Damir Zaynulinnıñ tuğannarı anıñ milli çalımnarı arqasında üterelüenä ışana

Piterburda tatar yeğetneñ üterelüe turındağı xäbär mäğlümat çaralarınıñ iğtibar üzägenä mende. Peterburdan andıy xäbärlärneñ elegräk tä kilgäne bar ide. Monnan berniçä yıl elek, anda keçkenä taciq qızı üterelde. Bu yulı qara çäçle, aziä çalımnarı bulğan tatar yegetenä höcüm buldı Elegräk Gubernator Valentina Matveenkoga bulmıy qalğan höcümdä tatar möselman yeğete ğäyeplänep qulğa alınğan ide. Ul waqıtta, tatarlar Matvienkoga höcüm oyıştırdı digän ğäyepläwlär yıñğıradı. Xäzer inde tatarlar üzläre qurqınıç astında qaldıq, dip belderä. Damir Zaynullnıñ tuğannarı, anı millätara näfrät säbäple ütergännär dip sanıy. Prokuratura - başqa fikerdä tora.

Rusiä Soçiğa belderelgän däğwälärne yuq itärgä tırışa

Rusiäneñ Qara dingezendäge Soçi kurortı, 2014 yılğı qışqı olimpiä uyını öçen köräştä ciñär tösle tügel ide. Çönki Soçida zamança cihazlarnıñ bulmawı häm töbäkneñ bik üq imin bulmawı arqasında Soçinıñ ciñüenä şik belderelde. Xäzer, Rusiädä bäygedä ciñü säbäple kütärelgän eyforiä kimi töşkäç, bü mäsälärne çişü tırışlıqları kürelä başladı.

Xatın-qızlar: Üzäk Aziädäge qızlar, mäktäpne tämamlağaç uq, kiyäwgä çığa

Üzäk Aziädäge qız-balalar öçen belem alu nigezdä urta mäktäptän soñ tämalana. Yaxşı eş häm üsü mömkinlege bulmaw säbäple, elekke sovet respublikarındağı ata-analar qızlarınıñ yuğarı belem alularına köç salırğa telämi, kiäwgä birüne qulayraq kürä.

UNICEF Rusiä xalqın yätim balalarnı alıp üsterergä çaqıra

Küptän tügel, "Azatlıq"ta Saxalinda yäşäwçe millättäşäbez Raxilä Kuramşina häm anıñ ullıqqa-qızlıqqa alıp üstergän 6 balası turında söylägän idek. Bügen bu temanı däwam itäbez. UNİCEF mäğlümatlarına qarağanda Rusiädä 200läp meñ bala däwlät qaramağındağı oyışmalarıda üsä. Şuşı häm balalarnı yaqlawçı başqa törkemnär dä taşlanğan, yätim balalarnıñ xälen qayğırtıp, Rusiä xalqın şuşı sabıylarnı alıp üsterergä çaqıra.

Dönya buylap cirneñ cılınuına qarşı köräşne tanıtu çaraları başlandı

Bügen dönya cılına qarşı qöräşne tanıtu öçen oyıştırılğan dönya küläm tаmaşalar Tokio häm Sidneyda başlandı. The Live Earth – "Cir xaqına" isemle konsertlar şälkeме AQŞnıñ elekke vitse-prezidentı Al Gore başlanğıçı belän ütkärelä.Tamaşalar 9 şähärdä бара häm alarda dönya küläm tanılğan pop cırçılar qatnaşa

Bush häm Putin oçraşuyınnan närsä kötärgä?

Bügen, AQŞ prezidentı Gerge Bush Rusiä citäkçese Vladimir Putinnı Main ştatındağı utarında qabul itärgä tieş. Bush ike yaqlı mönäsäbätläreneñ yaxşıryına ömmetlänä, ämma belgeçlär, ike citäkçe häm il arasındağı ayırımlıqlarnıñ tiz genä yuqqa çığuına şiklänä.