Comğa könne Pakstanda mäşhür säyäsätçe, elek ike märtäbä premyer-ministr bulıp torğan, ä soñğı aralarda oppozitsiäne citäklägän Binäzir Bhuttonı cirlädelär, ul ilneñ Sind wilayätendäge tuğan awılında, ğailä torbäsenä kümelde. Bhutto üzenä atnakiç höcüm yasalğannan soñ xastaxanädä wafat buldı. Anıñ üleme bar Pakstannı bilgesezlek xalätendä qaldırdı - xalıqnıñ zur öleşe Binäzirne, säyäsi totrıqsızlıq häm mäzhäbara bäreleşlär kiçergän Pakstannı berläşterä alırlıq cämäğät eşleklese itep kürä ide. Xäzer iñ zur soraw bulıp, ilne närsä kötä digäne tora.
