Gruziädäge xällärne bu yulı Rusiä telekanalları da bik yaqınnan yaqtırta, xörmätle tıñlawçılar. Anda yaña täräqqiät bulğan sayın bu xaqta xäbär, göl inqilabı çorınnan ayırmalı bularaq, waqıtında birelä. Ämma iğtibarnı şul cälep itä - Rusiä televideniäse xäzer kübräk politsiäneñ qansızlığı, oppozitsiä wäkillären qıynawlarnı kürsätü belän mawığa. Belgeçlär, tulısınça däwlät qaramağına küçkän telekanallar Gruziädäge xällärne añlı räweştä üz küzlegennän çığıp yaqtırta, di.
