9 yüldä İstanbulnıñ İstinye rayonındağı AQŞ başkonsullığı binasına irtänge säğät 10:30 tiräsendä Íslam terror oyışması el-Kaidä äğzaları dip faraz itelgän dürt keşe mıltıq häm pistoletlar belän xöcüm ittelär.
Bolay da awır säyäsi könnär uzdırğan Törkiädä bu xöcüm şok täesire yasadı. “Hürriyet” gazetası “Bu ğına citmägän ide” digän baş isem belän Törkiäneñ bu qatlawlı xälenä işarä itä. “Vatan” gazetası isä “Amerikağa xöcümdä altı törek ülde” digän yazma belän ilneñ qıyın, kierenke xälenä añlatma birergä tırışa. Çönki üterelgän öç terroristnıñ yäşläre 20-26 arasında, ä hälaq bulğan politsia xezmätkärläre dä 21-28 yäştä.
Bu yäşlärneñ barsı da Törkiäneñ yarlı töbäklärendä tuğan, ber öleşe politsia xezmätenä kergändä, tegeläre isä idän astı terror oyışması saflarına quşılğan. Bu yegetlärneñ hämmäse dä törek häm möselman. Çönki “Zaman” gazetasınıñ yazuına qarağanda, cäräxätlänep soñınan ülgän ber polisia xezmätkäre gel Kälimä-i şahädät, yäğni Allanıñ berlegenä häm Möxämmädneñ anıñ päyğämbäre buluına tanıqlıq itkän doğanı qabatlağan. Tege yaqtan yıl-Qäidäçelär dä Íslam isemennän cihät, yäğni din suğışı alıp baralar. Paradoks tügelme bu?
AQŞnıñ Anqaradağı böyek ilçese Ross Wilson törek politsiaseneñ başkonsullıq binasın saqlawı öçen kürsätkän tırışlığına räxmätlären belderep, ülgän politsia xezmätkärlere öçen qayğısın urtaqlaşuın äytte. “Bu terror xäräkäte illärebez arasındağı duslıqqa orım yasımayaçaq, ayıruça bu waqıyğanıñ Ergenekon tikşerenüe belän bäyläneşe buluı turında qulıbızda dälil yuq”, dip tä östäde ul.
Şulay itep, ul Törkiäneñ başın äyländergän, ber yıldan artıq däwam itkän öç prokurornıñ Ergenekon terror oyışması östennän alıp barğan tikşerenülärenä işarä itte. Mäğlüm, monda yözlägän keşe sorawğa tartıldı. 58 keşe törmägä yabıldı. Şular arasında pensiädäge armiä generalı häm başqa pensiädäge generallar, ofitserlar bar. Ämma älegä gäyepläw aktı iğlan itelmäde, ä küz sağı astına alu, törmägä yabu protsesına 13 ay waqıt uzdı. İnde monıñ uystitsia normlarına qarşı buluı äytelä.
“Cumhuriät” gazetasında pensiädäge general leytenant Naci Beştepeneñ bu väzğeyätkä rizasızlığın beldergän şuşı süzläre basılıp çıqtı:
“Min dä, general ştab başlığı da, 35 meñ keşeneñ ülüennän cawaplı PKK citäkçese Öcalannan awırraq mögälämägä duçar bulğan törmädäge armiä generalları da çinnarıbıznı uramnan satıp almadıq… Pensiädä bulsam da iñ yuğarı däräcälärgä kütärelgän törek ofitserlarına kürsätelgän mögälämägä tüzä alırlıq tügel… Ber törek ofitserı öçen monnan açı, qayğı tudıruçı, tübänsetüçe häm cäräxätläwçe närsä bula ala ki? Çit il armiäsenä äsir töşsäm bu xislärgä sabışır idem, hiçşiksez”.
Tege yaqtan AK partiäne yabu mäksatı belän Konstitusia Mäxkämäsendä däwam itkän xökem protsessı da xökümätne, AK partiä deputatların, alarnıñ taraftarların häm bitaraflarnıñ ber öleşen citdi räweştä borçıy. Här ike xökem protsessınıñ qararları Törkiäne xaosqa iltmäsme digän qurqu bar.
Östäwenä idän astı PKK belän köräş tä däwam itä. 9 yüldä Ağrı yäki Ararat tawına mengän 15 almannıñ öçese PKK tarafınnan urlandı. İlneñ könyaq-könçığışındağı Haqqärida PKK tarafınnan urnaştırılğan minanıñ şartlawı näticäsendä 5 ğaskär belän ber siwil cäräxätlände.10 yüldä Premier Yırdoğan Ğıyraqlı qolleğäsı Maliki belän Bağdata oçraşıp, Ğıyraqtan torıp Törkiägä ütep kergän PKK partizannarı mäsäläse buyınça söyläşülär alıp bardı.
Qısqası, törek cämäğätçelege tik esselärdän genä tügel, ä ekonomik, säyäsi bilgesezleklärdän dä borçıla, integä, qurqa.
Bolay da awır säyäsi könnär uzdırğan Törkiädä bu xöcüm şok täesire yasadı. “Hürriyet” gazetası “Bu ğına citmägän ide” digän baş isem belän Törkiäneñ bu qatlawlı xälenä işarä itä. “Vatan” gazetası isä “Amerikağa xöcümdä altı törek ülde” digän yazma belän ilneñ qıyın, kierenke xälenä añlatma birergä tırışa. Çönki üterelgän öç terroristnıñ yäşläre 20-26 arasında, ä hälaq bulğan politsia xezmätkärläre dä 21-28 yäştä.
Bu yäşlärneñ barsı da Törkiäneñ yarlı töbäklärendä tuğan, ber öleşe politsia xezmätenä kergändä, tegeläre isä idän astı terror oyışması saflarına quşılğan. Bu yegetlärneñ hämmäse dä törek häm möselman. Çönki “Zaman” gazetasınıñ yazuına qarağanda, cäräxätlänep soñınan ülgän ber polisia xezmätkäre gel Kälimä-i şahädät, yäğni Allanıñ berlegenä häm Möxämmädneñ anıñ päyğämbäre buluına tanıqlıq itkän doğanı qabatlağan. Tege yaqtan yıl-Qäidäçelär dä Íslam isemennän cihät, yäğni din suğışı alıp baralar. Paradoks tügelme bu?
AQŞnıñ Anqaradağı böyek ilçese Ross Wilson törek politsiaseneñ başkonsullıq binasın saqlawı öçen kürsätkän tırışlığına räxmätlären belderep, ülgän politsia xezmätkärlere öçen qayğısın urtaqlaşuın äytte. “Bu terror xäräkäte illärebez arasındağı duslıqqa orım yasımayaçaq, ayıruça bu waqıyğanıñ Ergenekon tikşerenüe belän bäyläneşe buluı turında qulıbızda dälil yuq”, dip tä östäde ul.
Şulay itep, ul Törkiäneñ başın äyländergän, ber yıldan artıq däwam itkän öç prokurornıñ Ergenekon terror oyışması östennän alıp barğan tikşerenülärenä işarä itte. Mäğlüm, monda yözlägän keşe sorawğa tartıldı. 58 keşe törmägä yabıldı. Şular arasında pensiädäge armiä generalı häm başqa pensiädäge generallar, ofitserlar bar. Ämma älegä gäyepläw aktı iğlan itelmäde, ä küz sağı astına alu, törmägä yabu protsesına 13 ay waqıt uzdı. İnde monıñ uystitsia normlarına qarşı buluı äytelä.
“Cumhuriät” gazetasında pensiädäge general leytenant Naci Beştepeneñ bu väzğeyätkä rizasızlığın beldergän şuşı süzläre basılıp çıqtı:
“Min dä, general ştab başlığı da, 35 meñ keşeneñ ülüennän cawaplı PKK citäkçese Öcalannan awırraq mögälämägä duçar bulğan törmädäge armiä generalları da çinnarıbıznı uramnan satıp almadıq… Pensiädä bulsam da iñ yuğarı däräcälärgä kütärelgän törek ofitserlarına kürsätelgän mögälämägä tüzä alırlıq tügel… Ber törek ofitserı öçen monnan açı, qayğı tudıruçı, tübänsetüçe häm cäräxätläwçe närsä bula ala ki? Çit il armiäsenä äsir töşsäm bu xislärgä sabışır idem, hiçşiksez”.
Tege yaqtan AK partiäne yabu mäksatı belän Konstitusia Mäxkämäsendä däwam itkän xökem protsessı da xökümätne, AK partiä deputatların, alarnıñ taraftarların häm bitaraflarnıñ ber öleşen citdi räweştä borçıy. Här ike xökem protsessınıñ qararları Törkiäne xaosqa iltmäsme digän qurqu bar.
Östäwenä idän astı PKK belän köräş tä däwam itä. 9 yüldä Ağrı yäki Ararat tawına mengän 15 almannıñ öçese PKK tarafınnan urlandı. İlneñ könyaq-könçığışındağı Haqqärida PKK tarafınnan urnaştırılğan minanıñ şartlawı näticäsendä 5 ğaskär belän ber siwil cäräxätlände.10 yüldä Premier Yırdoğan Ğıyraqlı qolleğäsı Maliki belän Bağdata oçraşıp, Ğıyraqtan torıp Törkiägä ütep kergän PKK partizannarı mäsäläse buyınça söyläşülär alıp bardı.
Qısqası, törek cämäğätçelege tik esselärdän genä tügel, ä ekonomik, säyäsi bilgesezleklärdän dä borçıla, integä, qurqa.
