SpaceX ширкәтенең Crew Dragon галәм корабы үзенең беренче пилотлы очышны уңышлы тәмамлаган. АКШ астронавтлары Дуглас Һерли белән Роберт Бенкен булган кораб Флорида янында, Мексика култыгы суларына утырган. Астронавтларның хәле яхшы дип хәбәр ителә.
Элегрәк кораб утырган урынга инде Go Navigator коткару көймәсе юл тоткан. Астронавтлар җайланмадан аны белгечләр карап чыканнан соң чыга алачак. Шуннан соң Дуглас Һерли белән Роберт Бенкен медицина тикшерүен узачак.
АКШ президенты Дональд Трамп астронавтларны Җиргә уңышлы кайтулары белән тәбрикләгән.
Crew Dragon корабы Халыкара галәм станциясенә 31 май көнне җибәрелгән иде. АКШның 2011 елдан бирле галәмгә астронавтларны үз корабында җибәргәне юк иде. Моннан тыш тарихта беренче тапкыр галәмгә кешеләрне хосусый ширкәт чыгарды.
Әлеге очыш Илон Маск җитәкләгән SpaceX ширкәте тикшерүе булып тора. Очыш нәтиҗәләре уңышлы дип бәяләнсә, Crew Dragon Җир белән Халыкара галәм станциясе арасында төп транспорт чарасы булырга мөмкин.
Crew Dragon NASA өчен эшләнгән бердәнбер хосусый кораб түгел. Көзгә Boeing ширкәтенең "Старлайнер" корабын җибәрүе планлаштырыла. Узган елның декабрендә уңышсыз очыштан соң, киләсендә ул пилотсыз режимда җибәреләчәк.
