Европа берлеге җитәкчелеге Русия бизнесменнарының санкцияләргә эләккән активларын сугыштан соң Украинаны торгызырга җибәрү мөмкинлеге турында фикер алыша.
Бу хакта Bloomberg агентлыгы үз чыганакларына сылтанып хәәбәр итте. Шул ук вакытта әлегә бу башлангыч сөйләшүләр генә, ниндидер анык карарлар кабул ителмәгән дип тә искәртелә. Әлеге активларны ничек кулланасын Европа берлегенең бөтен әгъза дәүләтләре хәл итәргә тиеш.
Европа комиссиясе башлыгы вәкиле Урсула фон дер Ляйен сүзләренчә, әлегә активлар туңдырып кына куелган.
Русиянең Украинага басып керүенә җавап итеп Европа берлеге, АКШ һәм кайбер башка илләр Русиягә күп төрле чикләүләр кертте. Санкцияләргә дистәләгән бизнесменнар эләкте, аларның активларны туңдырылды. Сүз, аерым алганда, Геннадий Тимченко, "Роснефть" башлыгы Игорь Сечин, "Транснефть" җитәкчесе Николай Токарев, USM Holdings хуҗасы Алишер Усманов, "Северсталь" хуҗасы Алексей Мордашев турында бара.
Италия гына да 780 миллион евролык активларны туңдырган дип яза Bloomberg. Бу активтларга яхталар, хосусый очкычлар, күчемсез милек керә.
🛑 Азатлык сайты томаланды, нишләргә? Бу хакта безнең кулланма.
🌐 Безнең Telegram каналына да кушылырга онытмагыз!
