Bügenge köndä Magnitogorskida 29 meñ tatar yäşi.Bezneñ “Azatlıq” radiosınıñ Qazan byurosına yazuçı, jurnalist Möslimä Şäfıyq kilep, Magnitogorski şähärendä yäşägän tatarlar tormışı turında söyläp kitte. Ul başta Magnitogorski şähärendä yäşägän tatarlarnıñ milli-mädäni tormışında zur xezmät kürsätüçe kitapxanäçe, radio tapşırular alıp baruçı, törle festival'lärgä ssenariylar yazuçı Qädriä İsxaqova turında söyläde.
“Atnağa 10 minutlıq “Watan” dip atalğan radio tapşırularnı inde 8 yıl buyı kitapxanäçe Qädriä İsxaqova alıp bara Ul Tatarstannıñ Baltaç rayonı qızı. Tatarlarnıñ tormışında ütkärelgän milli muzıykal' kiçälärgä ssenariylar yaza, mäktäp balaları belän oyıştırılğan çaralarda qatnaşa. “Rux ” gäziten çığaruda zur öleşen kertä.” Möslimä xanım Şäfıyq Magnitogorski möselmannarınıñ ğibädät qılu urınnarın buldıru öçen 10 yıl buyı tözelgän , “Cämiğ” mäçeteneñ açıluı turında häm anıñ imamı Ölfät turında da da söyläp uzdı. “Mäçetneñ imamı Ölfät xäzrät citäkçelegendä“ Xäter köne”n ütkärgändä 80 nän artıq keşegä östäl äzerlädelär /i>”Magnitogorskiydağı “Töp yort” turında da söyläde Möslimä Şäfıyq. “Töp yort”dip atalğan . tatar mädäni sotsial' üzäkneñ citäkçese Nurğäli Yarullinnıñ alıp barğan eşe, bügenge köndä tatar mäxälläse oyıştırıp yörüdän ğibärät” Magnitogorskii şähärendä “Tatar ruxı” isemle gäzit çığuı turında da äytep ütte ul . Şulay uq Magnitogorski şähäreneñ cirle üzidaräsendä “Milli mädäniätlär idäräse” oyışuı turında da bik mawıqtırğıç itep söyläde. Alar bergä tözelgän plan buyınça mäktäplärdä törle muzıkal' kiçälär dä, İslam däresläre dä, kiç utıru kebek tegü, çigülär däresläre dä alıp baralar ikän. Häm mondıy kiçälär konservatoriä tämamlağan muzıkantlar bayançılar, cırçılar qatnaşlığında alıp barıluı turında da mäğlümat citkerde ul.
Ämma Magnitogorski şähärendä yäşäwçe tatarlarnıñ “Töp yortı” podvalda urnaşsa da alarnıñ arendağa tüläse burıçları 90 meñnän artıp kitkän ikän inde. Häm şulay uq şähärneñ TV nän dä häm başqa mäğlümat çaralarınnan da tatar kul'turası şuşı 10 minutlıq radio tapşıruınnan başqa Magnitogorski şähärendä yaqtırtılmıy ikän. Ämma tatarlarnıñ Tatarstan belän ğorurlanuları turında da häm Qazannıñ meñyıllığın bäyräm itkändä qunaq bulıp kilgän Magnitogorski kombinatınıñ citäkçese Yevgeniy Karpovnıñ wäğdäsen dä citkerde ul. “ Qazannıñ Qol Şärif mäçete kebek ük eşli almasaq ta, . çäçäkkä kümelgän Älmät şähärennän ürnäk alıp Magnitogorski şähären çäçäkkä kümärgä tırışırbız, häm “Cämiğ” mäçeten tözekländerergä 8 million sum aqça birerbez dip wäğdä itkän”,- dide ul
Menä şundıy Magnitogorski şähärendäge yañalıqlar turında mäğlümat citkerde bezgä Möslimä Şäfıyq.
Mälikä Basıyr.
