Latviädä Sabantuy bäyräme belän bergä häm R. Wahapov isemendäge Xalıqara cır festivale dä ütkärelde. Ul çaralar ike kön rättän oyıştırıldı. Saban tuyı Riga şähärendäge milli-mädäni cämğiätlär assotsiatsiäse cirlegendä uzğan. Anda Latviädän genä tügel, Litvadan häm Estoniädän dä millättäşlärebez qatnaşqan. Şulay uq bäyrämdä Rusiäneñ Latviädäge ilçese Viktor Kalyujnıy da bulıp kitkän.
Bıyıl Sabantuynı Zöfär Zäynullin citäklägän “Çişmä” tatar-başqort mädäni üzäge oyıştırğan. Şul uq waqıtta Latviädäge ikençe – “İdel” tatar oyışmasınıñ qayber wäkilläre bu milli bäyrämnän näwmiz qalğan. “İdel”neñ äğzası Rinat Axunov taratqan mäğlümatlar buyınça, ul Sabantuy könne xätta üzeneñ eş binasına da kertelmägän. Anıñ eş urını näq Sabantuy uzuçı milli-mädäni cämğiätlär assotsiatsiäsendä urnaşqan.
Sabantuy härwaqıttağıça milli uyınnardan, cır-iyüllärdän torğan. Anda Tatarstan wäkilläre dä bardı häm alar R. Wahapov isemendäge 2нче Xalıqara cır festivalendä qatnaştılar. Bu xaqta “Tatarstan” jurnalı baş möxärrire, festival'neñ avtorı Rifat Fättäxov
Festival' WEF mädäniät yortında uzdı. Monda uzunıñ üzençälege şunda – 1960 yılda monda Räşit Wahapov üze çığış yasağan.Konsertta Tatarstan cırçılarınnan Venera Ğaniewa, İldar Kıyämov, bayançı Ramil Kuramşin qatnaşqannar. Latviädäge “Çişmä” ansamble, Yelena Gazizova häm tağın küp cırçılar çığış yasağan. Rifat Fättäxov.
Monda Estoniä opera häm balet cırçısı kilep “Ğaliäbanu” cırın tatarça başqardı. Ul konsertnıñ yomğaqlawına tağın Räşit Wahapov repertuarınnan cır öyränergä wäğdä itte. Şulay Litva tatarları cämğiäte citäkçese A. Yaqusbawsqas çığış yasap, kiläse yılda festival'ne Litvada uzdırırğa kiräk dide.Landış Xarrasova
