Semipalat şähärendä noyäberdä VII Хalıqara “ Közge İrtış moñnarı” tatar sänğät festivale uzaçaq. Bu festival'ne oyıştıruda Tatarstan häm Qazaqstan mädäniät ministrlıqları häm Böten dönya tatar kongressı, Qazaqstan xalıqları Assambleyase, TR Qazaxstandağı tulı wäkilçelege, Tatar Assotsiätsiäse , häm Qazaxstandağı tatar- başqort ictimaği häm mädäni üzäklär, Qazaxstannıñ Şäreq ölkäsendäge Tatar ictimaği häm mädäni üzäklär qatnaşa.
Semipalat şähärendä VII xalıqara “ Közge İrtış moñnarı” tatar sänğät festivale şuşı könnärdä uzarğa tieş ide. Qazax professional' muzıkasına nigez saluçı kompozitor Latif Xamidineñ tuuına 100 yıl tuluğa bağışlanğan bu festival' ağımdağı yılnıñ 3-6 noyäberenä küçerelgän.
Festival'ne uzdıru ni säbäple kiçekterelüe häm bu festival'dä qatnaşuçılar qaylardan kötelüe turında festival'neñ prodyuserı Tatarstannıñ atqazanğan mädäniät xezmätkäre Abdulxak Axuncanov menä närsä söyläde
“ Festival'ne uzdırır öçen zur zal kiräk. Ä bu zur teatr zalı bu könnärdä buş bulmadı. Ä bez qunaqlarnı, qatnaşuçılarnı törle illärdän, töbäklärdän kötäbez, xätta Qıtaydan da ”
Festival'dä qatnaşuçılar şulay uq Abdulxaq Axuncanovnıñ üze icat itkän cırlarnı da öç teldä: tatarça, qazaqça, rusça başqaraçaqlar.
Bu VII xalıqara “Közge İrtış moñnarı” tatar cırı festivale
Latıyf Xamidigä 100 yıl tuluğa bağışlanğan. Kem ul Latıyf Xämidi? Kiñ cämäğätçelek anı ataqlı kompozitor, Qazaqstannıñ xalıq artistı. Qazax professional' muzıkasına nigez saluçılarnıñ berse bularaq belä. Ul icat itkän äsärlär arasında: Qazaqstan Däwlät gimnınıñ muzıkası , “Abay” “Tülägän Toxtarov”, “Cambul häm Ayqumıs” “ Cambul” operaları.
Latıyf Xämädi çığışı belän Tatarstannıñ Qaybıç rayonınıñ Büäle awılı (Rus yabalağı) awılında tuğan. Mäktäpne tämamlağaç, Mäskäwdä muzıka texnikumın , annan Mäskäw konservatoriäsen tämamlıy. Ämma aña Qazan, Tatarstanğa qaytıp tatar operaların icat itärgä mömkinlek bulmıy. Şulay buluğa qaramastan , ul üzeneñ icatı belän qazax xalqı belän tatar xalqı arasındağı duslıq küperen nığıtuda zur öleş kertkän keşe. Häm tatar xalqı üzeneñ zıyalı tatarların berqayçan da onıtmıy . Menä uzğan comğa da anıñ yaqtaşları Qaybıç rayonında Latıyf Xämidineñ tuuına 100 yıl tuluğa bağışlanğan kiçä uzdırdılar. Ä Qazaxstannıñ Semipalat şähärendä Latıyf Xämidineñ 100 yıllıq yubileyına bağışlanğan Xalıqara festival' ütkärüdä oyıştıruçılar arasında Tatarstannıñ mädäniät ministrlığı häm Böten dönya tatar kongressı da bar. Tatar cırçıları öçen Semipalatta ütkän “Közge İrtış moñnarı” festivale ul tatar cırçılarınıñ bik yaratıp qatnaşa torğan festivale. Ciñüçelärne jyuri bilgeläyäçäk Bıyıl da festival'dä qatnaşırğa teläwçelär 3 noyäberdä başlanaçaq festival'dä qatnaşa alalar. Gala konsert 6 noyäberdä ütäçäk.
Konkursta qatnaşırğa teläwçelär : Vokal, muzıka uyın qoralında uynaw, buyınça , yalğız häm ansambl' belän biyü, süz ostası häm kompozitsiä bäygelärendä köç sınaşa alalar. Härber bäyge janrında yäş çiklänmägän. Şulay uq qatnaşuçılar üz yäştäşläre belän köç sınaşa alaçaqlar. Büläklär: härkem qatnaşqan öçen maqtaw käğäze, üz janrında I ,II, III däräcäle urın alğan lawreatlarğa qimmätle büläklär häm ayırım tamaşaçı büläge dä tapşırılaçaq.
Mälikä Basıyr
